മരട് : കേരള സ്റ്റേറ്റ് കർഷകത്തൊഴിലാളി ഫെഡറേഷൻ (എ.ഐ.ടി.യു.സി) മരട് വില്ലേജ് കമ്മിറ്റിയുടെ ആഭിമുഖ്യത്തിൽ മരട് വില്ലേജ് ആഫീസിനു മുന്നിൽ ധർണ്ണ നടത്തി. കർഷകത്തൊഴിലാളി ക്ഷേമനിധി ആനുകൂല്യങ്ങൾ ഉടൻ വിതരണം ചെയ്യുക, പെൻഷൻ 3000 രൂപയായി വർദ്ധിപ്പിക്കുക, തൊഴിലുറപ്പ് പദ്ധതി ശക്തിപ്പെടുത്തുക, ക്ഷേമനിധി ആനുകൂല്യങ്ങൾ വർദ്ധിപ്പിക്കുക തുടങ്ങിയ ആവശ്യങ്ങൾ ഉന്നയിച്ചുകൊണ്ടായിരുന്നു ധർണ. സംസ്ഥാന എക്സിക്യുട്ടീവ് അംഗം കുമ്പളം രാജപ്പൻ ധർണ ഉദ്ഘാടനം ചെയ്തു. പി.കെ. ഷാജി അദ്ധ്യക്ഷത വഹിച്ചു. സി.പി.ഐ തൃപ്പൂണിത്തുറ മണ്ഡലം സെക്രട്ടേറിയറ്റ് അംഗം എ.ആർ. പ്രസാദ്, സി.പി.ഐ മരട് ലോക്കൽ സെക്രട്ടറി പി.ബി. വേണുഗോപാൽ, എ.ഐ. വൈ.എഫ് മണ്ഡലം സെക്രട്ടറി ടി.കെ. ജയേഷ് തുടങ്ങിയവർ പ്രസംഗിച്ചു.