കൊച്ചി: നഗരത്തിന്റെ സായംസന്ധ്യ ഇന്നലെ പ്രധാനമന്ത്രി നരേന്ദ്ര മോദി കവർന്നെടുത്തു. വൈകിട്ട് റോഡ്ഷോ നടത്തിയ നരേന്ദ്ര മോദിയെ ഒരു നോക്കു കാണാൻ ജനങ്ങൾ ഒഴുകിയെത്തി. പുഷ്പങ്ങളാൽ അലങ്കരിച്ച കാവി നിറമുള്ള വാഹനത്തിൽ നിന്ന് അനുയായികളെ അഭിവാദ്യം ചെയ്ത പ്രധാനമന്ത്രിയെ "മോദി... മോദി.." മുദ്രാവാക്യങ്ങളാൽ അവർ സ്വീകരിച്ചു. കരഘോഷവും പുഷ്പവൃഷ്ടിയും അകമ്പടിയായി. മണിക്കൂറുകൾക്ക് മുമ്പേ കെ.പി.സി.സി ജംഗ്ഷൻ മുതൽ എറണാകുളം ഗസ്റ്റ് ഹൗസ് വരെ ബാരിക്കേഡിനുള്ളിൽ ജനം തിങ്ങി നിറഞ്ഞിരുന്നു.

നിശ്ചയിച്ചതിലും വൈകി വൈകിട്ട് 6.50ന് വ്യോമസേനയുടെ പ്രത്യേക വിമാനത്തിലാണ് പ്രധാനമന്ത്രി നെടുമ്പാശേരി വിമാനത്താവളത്തിലെത്തിയത്. മുഖ്യമന്ത്രി പിണറായി വിജയൻ, ഗവർണർ ആരിഫ് മുഹമ്മദ് ഖാൻ, മേയർ എം. അനിൽകുമാർ, കേന്ദ്രമന്ത്രി വി. മുരളീധരൻ, പ്രകാശ് ജാവദേക്കർ എം.പി, ചീഫ് സെക്രട്ടറി ഡോ.വി. വേണു, സംസ്ഥാന പൊലീസ് മേധാവി ഷെയ്ഖ് ദർവേഷ് സാഹിബ്, ജില്ലാ കളക്ടർ എൻ.എസ്.കെ. ഉമേഷ്, എറണാകുളം റൂറൽ ജില്ലാ പൊലീസ് മേധാവി വൈഭവ് സക്‌സേന, ബി.ജെ.പി പ്രതിനിധികൾ തുടങ്ങിയവർ പ്രധാനമന്ത്രിയെ സ്വീകരിച്ചു. തുടർന്ന് നാവികസേനയുടെ ഹെലികോപ്ടറിൽ കൊച്ചിയിലേക്ക് തിരിച്ച അദ്ദേഹം 7.14ന് നാവികസേനാ വിമാനത്താവളത്തിലിറങ്ങി.

സുരക്ഷാ വാഹനങ്ങളുടെ അകമ്പടിയോടെ 7.40ന് പ്രധാനമന്ത്രി റോഡ് ഷോയ്ക്കായി കെ.പി.സി.സി ജംഗ്ഷനിൽ എത്തിയപ്പോൾ പ്രവർത്തകരുടെ ആവേശം അല തല്ലി. 7.45ന് റോഡ് ഷോയ്ക്ക് തുടക്കമായി. ബി.ജെ.പി സംസ്ഥാന പ്രസിഡന്റ് കെ. സുരേന്ദ്രനും മോദിക്കൊപ്പം വാഹനത്തിൽ കയറി. മോദിജി വിളികൾക്കും ആരവത്തിനും പൂമഴയ്ക്കും നടുവിലൂടെ പതിയെ ഹോസ്പിറ്റൽ റോഡ് വഴി മുന്നോട്ട്. അഞ്ച് മണിക്കൂറിലധികം കാത്തു നിന്ന പ്രവർത്തകർ ആർപ്പുവിളിച്ചു. മുദ്രാവാക്യങ്ങളും മുഴക്കി. മദ്ധ്യകേരളത്തിലെ നാല് ജില്ലകളിൽ നിന്നടക്കം അര ലക്ഷത്തോളം പേരാണ് അണിനിരന്നത്. 1.3 കി.മി ദൂരം അഭിവാദ്യങ്ങൾ ഏറ്റുവാങ്ങിയ റോഡ് ഷോ 8.10ന് എറണാകുളം ഗസ്റ്റ് ഹൗസിൽ സമാപിച്ചു.

ലോക്‌സഭാ തിരഞ്ഞെടുപ്പ് അടുത്തിരിക്കെ ബി.ജെ.പിയുടെ ശക്തിപ്രകടനത്തിനു കൂടി റോഡ് ഷോ വേദിയായി. കൊച്ചിയിൽ മോദിയുടെ രണ്ടാമത്തെ റോഡ് ഷോയാണിത്.

പ്ര​ധാ​ന​മ​ി​ ​ഇന്ന് ഗുരു​വാ​യൂ​രിൽ

​പ്ര​ധാ​ന​മ​ന്ത്രി​ ​ന​രേ​ന്ദ്ര​ ​മോ​ദി​ ​ഇ​ന്നു​ ​രാ​വി​ലെ​ 6​ന് ​കൊ​ച്ചി​ ​നാ​വി​ക​ ​വി​മാ​ന​ത്താ​വ​ള​ത്തി​ൽ​ ​നി​ന്ന് ​ഹെ​ലി​കോ​പ്ട​റി​ൽ​ ​ഗു​രു​വാ​യൂ​രി​ലേ​ക്ക് ​പോ​കും.​ ​ക്ഷേ​ത്ര​ദ​ർ​ശ​ന​വും​ ​സു​രേ​ഷ് ​ഗോ​പി​യു​ടെ​ ​മ​ക​ളു​ടെ​ ​വി​വാ​ഹ​വും​ ​തൃ​പ്ര​യാ​ർ​ ​ക്ഷേ​ത്ര​ദ​ർ​ശ​ന​വും​ ​ക​ഴി​ഞ്ഞ് ​കൊ​ച്ചി​ ​നാ​വി​ക​ ​വി​മാ​ന​ത്താ​വ​ള​ത്തി​ൽ​ ​തി​രി​ച്ചെ​ത്തും.ഉ​ച്ച​യ്ക്കു​ 12​ന് ​വെ​ല്ലിം​ഗ്ട​ൺ​ ​ഐ​ല​ൻ​ഡി​ൽ​ ​കൊ​ച്ചി​ ​ക​പ്പ​ൽ​ശാ​ല​യു​ടെ​ ​ക​പ്പ​ൽ​ ​അ​റ്റ​കു​റ്റ​പ്പ​ണി​ ​കേ​ന്ദ്ര​വും​ ​ര​ണ്ടാ​മ​ത്തെ​ ​ഡ്രൈ​ഡോ​ക്കും​ ​ഉ​ദ്ഘാ​ട​നം​ ​ചെ​യ്യും.​ ​അ​വി​ടെ​വ​ച്ച് ​പു​തു​വൈ​പ്പി​ലെ​ ​ഇ​ന്ത്യ​ൻ​ ​ഓ​യി​ൽ​ ​കോ​ർ​പ്പ​റേ​ഷ​ന്റെ​ ​എ​ൽ.​പി.​ജി​ ​ഇ​റ​ക്കു​മ​തി​ ​ടെ​ർ​മി​ന​ൽ​ ​ഉ​ദ്ഘാ​ട​ന​വും​ ​നി​ർ​വ​ഹി​ക്കും.​ ​തു​ട​ർ​ന്ന് ​കാ​റി​ൽ​ ​മ​റൈ​ൻ​ഡ്രൈ​വി​ലെ​ത്തി​ ​ബൂ​ത്തു​ത​ല​ ​തി​ര​ഞ്ഞെ​ടു​പ്പു​ ​ചു​മ​ത​ല​യു​ള്ള​ ​ബി.​ജെ.​പി​ ​ശ​ക്തി​കേ​ന്ദ്ര​ ​പ്ര​വ​ർ​ത്ത​ക​രു​ടെ​ ​സ​മ്മേ​ള​ന​ത്തി​ൽ​ ​പ​ങ്കെ​ടു​ക്കും.​ ​
നാ​വി​ക​ ​വി​മാ​ന​ത്താ​വ​ള​ത്തി​ൽ​ ​നി​ന്ന് ​ഹെ​ലി​കോ​പ്ട​റി​ൽ​ ​നെ​ടു​മ്പാ​ശേ​രി​യി​ലെ​ത്തി​ ​പ്ര​ത്യേ​ക​ ​വി​മാ​ന​ത്തി​ൽ​ ​ഡ​ൽ​ഹി​ക്ക് ​മ​ട​ങ്ങും.​ ​