മൂവാറ്റുപുഴ: വിവിധ ആവശ്യങ്ങൾ ഉന്നയിച്ച് കേരള സ്റ്റേറ്റ് കർഷക തൊഴിലാളി ഫെഡറേഷന്റെ (ബി.കെ.എം.യു) നേതൃത്വത്തിൽ മൂവാറ്റുപുഴ വില്ലേജ് ഓഫീസിലേക്ക് മാർച്ചും ധർണയും നടത്തി. സി.പി.ഐ മണ്ഡലം സെക്രട്ടറി ജോളി പൊട്ടയ്ക്കൽ ഉദ്ഘാടനം ചെയ്തു. ബി.കെ.എം.യു മണ്ഡലം പ്രസിഡന്റ് പി.ജി. ശാന്ത അദ്ധ്യക്ഷത വഹിച്ചു. ബ്ലോക്ക് പഞ്ചായത്ത് അംഗം സിംപിൾ സാബു, ബി.കെ.എം.യു മണ്ഡലം സെക്രട്ടറി കെ.കെ. ശശി, ജില്ലാ കമ്മിറ്റി അംഗം പി.കെ. ബാബുരാജ്, കെ.ബി. നിസാർ, അസീസ് തെങ്ങും തോട്ടം, പി.വി. രാധാകൃഷ്ണൻ, ബി. മായ എന്നിവർ സംസാരിച്ചു.