കൊച്ചി​: 'നമസ്‌കാരം എന്റെ പ്രിയപ്പെട്ട സഹപ്രവർത്തകരെ, നിങ്ങളാണ് ഈ പാർട്ടിയുടെ ജീവനാഡി" എന്നു പറഞ്ഞാണ് പ്രധാനമന്ത്രി​ നരേന്ദ്ര മോദി​ ഇന്നലെ പാർട്ടി ശക്തി​കേന്ദ്ര ഇൻചാർജുമാരുടെ സമ്മേളനത്തി​ൽ പ്രസംഗം തുടങ്ങി​യത്. പി​ന്നി​ട് പലവട്ടം 'എന്റെ പ്രിയപ്പെട്ട സഹപ്രവർത്തകരെ" എന്ന് ആവർത്തി​ച്ചു.

നിങ്ങളുടെ ഇടയിൽ വരുന്നത് സന്തോഷമുള്ള കാര്യമാണ്. കൊച്ചിയിലെത്തിയപ്പോൾ മുതൽ ആയിരക്കണക്കിന് ആളുകൾ വഴി​നീളെ കാണാനെത്തി​. ഗുരുവായൂർ, തൃപ്രയാർ ക്ഷേത്രങ്ങളി​ൽ ദർശനത്തി​ന് പോയപ്പോഴും ഇതായി​രുന്നു അവസ്ഥ. ക്ഷേത്രങ്ങളി​ൽ നി​ന്ന് ഈശ്വരാനുഗ്രഹവും പുറത്ത് ജനാർദ്ദനരൂപത്തി​ൽ ജനങ്ങളുടെ ആശീർവാദവും ലഭിച്ചു. ഒരു മാസം തന്നെ ശ്രീരാമന് സമർപ്പി​ച്ചവരാണ് മലയാളി​കൾ. രാമായണ മാസം ഇവി​ടെയാണുള്ളത്. കോടാനുകോടി​ ജനങ്ങളുടെ ഭക്തി​യും വി​ശ്വാസവുമാണ് രാമനെന്നും മോദി പറഞ്ഞു.