പറവൂർ: വലിയപഴമ്പിള്ളിത്തുരുത്ത് ധർമ്മപോഷിണി സഭ ശ്രീബാലസുബ്രഹ്മണ്യസ്വാമി ക്ഷേത്രത്തിൽ പ്രതിഷ്ഠാദിനവും തൈപ്പൂയ മഹോത്സവവും ഇന്ന് തുടങ്ങും. രാവിലെ പതിനൊന്നിന് വടക്കുംപുറം ശശിധരൻ തന്ത്രിയുടെയും അഴീക്കോട് ഹരിശാന്തിയുടെയും മുഖ്യകാർമ്മികത്വത്തിൽ കൊടിയേറും. വൈകിട്ട് നാലിന് ഗ്രാമപ്രദക്ഷിണം, ആറിന് സംഗീതാർച്ചന, 20ന് വൈകിട്ട് കലാപരിപാടികൾ, പ്രതിഷ്ഠാദിനമായ 21ന് രാവിലെ നാരായണീയ പാരായണം, ഉച്ചയ്ക്ക് പന്ത്രണ്ടിന് അമൃതഭോജനം, വൈകിട്ട് ആറിന് സർവൈശ്വര്യപൂജ. തുടർന്ന് കലാപരിപാടികൾ, കൈകൊട്ടിക്കളി. 23ന് വൈകിട്ട് കരോക്കെ ഗാനമേള, 24ന് വൈകിട്ട് മെഗാ ഫ്യൂഷൻനൈറ്റ്, പള്ളിവേട്ട മഹോത്സവദിനമായ 25ന് രാവിലെ കലശാഭിഷേകം, വൈകിട്ട് ആറിന് സ്കൂൾ വാർഷികദിനാഘോഷം, രാത്രി പതിനൊന്നരയ്ക്ക് പള്ളിവേട്ട, തൈപ്പൂയ മഹോത്സവദിനമായ 26ന് രാവിലെ പൂയം അഭിഷേകം, പത്തിന് കാവടിഘോഷയാത്ര, പത്തരയ്ക്കും വൈകിട്ട് മൂന്നിനും എഴുന്നള്ളിപ്പ്, ആറിന് പുഷ്പാഭിഷേകം, ഭസ്മക്കാവടിഘോഷയാത്രയും വിവിധ കലാരൂപങ്ങളും. പുലർച്ചെ ആറാട്ട് എഴുന്നള്ളിപ്പും ഗുരുതിക്കുംശേഷം മഹോത്സവത്തിന് കൊടിയിറങ്ങും.