കിഴക്കമ്പലം: മൂന്ന് ഗ്രാം എം.ഡി.എം.എയുമായി കുന്നത്തുനാട് മോറക്കാല ഞാറക്കാട്ട് സുജിത്തിനെ (23) റൂറൽ ജില്ലാ ആന്റി നാർക്കോട്ടിക്ക് സ്‌പെഷൽ ആക്ഷൻ ഫോഴ്‌സും കുന്നത്തുനാട് പൊലീസും ചേർന്ന് പിടികൂടി.

മോറക്കാല വാട്ടർ ടാങ്കിന് സമീപം നടത്തി​യ രാത്രികാല പരിശോധനയിലാണ് ബംഗളുരുവിൽ നിന്ന് കൊണ്ടുവന്ന് സൂക്ഷി​ച്ചി​രുന്ന എം.ഡി.എം.എ പി​ടി​ച്ചെടുത്തത്,

മയക്കു മരുന്ന് കേസിൽ നേരത്തെയും ഇയാൾ പിടിയിലായിട്ടുണ്ട്. ഇൻസ്‌പെക്ടർ വി.പി. സുധീഷ് എസ്.ഐമാരായ ടി.എസ്. സനീഷ്, എ.ബി. സതീഷ്, പോൾ പി. മാത്യു, എ.എസ്.ഐ സജി ജോസഫ്, സി.പി.ഒ മിഥുൻ മോഹൻ എന്നിവരാണ് അന്വേഷണ സംഘത്തിലുണ്ടായിരുന്നത്.