പെരുമ്പാവൂർ: എറണാകുളം റൂറൽ ജില്ലാ ഡി - ക്യാപ് സെന്ററിന്റെ മികച്ച ശിശുസൗഹൃദ പൊലീസ് സ്റ്റേഷനുള്ള പുരസ്കാരം പുത്തൻകുരിശ് പൊലീസ് സ്റ്റേഷന്‌ ലഭിച്ചു. മികച്ച ശിശുക്ഷേമ പൊലീസ് ഉദ്യോഗസ്ഥനായി കോടനാട് പൊലീസ് സ്റ്റേഷനിലെ സബ് ഇൻസ്പെക്ടർ ജോർജ് എൻ.ആന്റണിയെ തിരഞ്ഞെടുത്തു. അസിസ്റ്റൻറ് ശിശുക്ഷേമ പോലീസ് ഓഫീസർക്കുള്ള അവാർഡ് കുന്നത്തുനാട് സ്റ്റേഷനിലെ ഇ.എസ്.ബിന്ദു കരസ്ഥമാക്കി. ‘ചിരി’ സൈക്കോളജിസ്റ്റിനുള്ള അവാർഡ് ഡോ.എ.കെ.റാണിക്കും മേരി കുര്യനും മികച്ച ഹോപ്പ് റിസോഴ്സ്പേഴ്സണുള്ള പുരസ്കാരം ബി.എസ്.സിന്ധുവിനും സമ്മാനിച്ചു. പുരസ്കാരദാന ചടങ്ങ് മുനമ്പം ഡി.വൈ.എസ്.പി എം.കെ. മുരളി ഉദ്ഘാടനം ചെയ്തു. എടത്തല ഇൻസ്പെക്ടർ എ.എൻ.ഷാജു അദ്ധ്യക്ഷത വഹിച്ചു. സബ് ജഡ്ജിയും ഡി.എൽ.എസ്.എ സെക്രട്ടറിയുമായ എൻ.രഞ്ജിത്ത് കൃഷ്ണൻ ബോധവത്കരണ ക്ലാസിന് നേതൃത്വം നൽകി. എസ്.എൻ. ഷീല, ടി.വൈ. ഖാലിദ് എന്നിവർ സംസാരിച്ചു.