മരട്: കുണ്ടന്നൂർ ജംഗ്ഷനിലുള്ള കെ.എൻ.എ. പ്ലാസയി​ലെ ഏഴുനില കെട്ടിടത്തിന് തീ പിടിച്ചു. തൃപ്പൂണിത്തുറ ഫയർഫോഴ്സ് എത്തി​ കെട്ടിടത്തിൽ തന്നെയുള്ള അഗ്നിശമന സംവിധാനം ഉപയോഗിച്ച് സേന തീ പൂർണമായി അണച്ചു. ലിഫ്റ്റ് റൂമിന് സമീപം കൂട്ടിയിട്ടിരിക്കുന്ന മാലി​ന്യങ്ങളി​ൽ നിന്ന് തീ പടരുകയായിരുന്നു, പരിസരത്ത് അലക്ഷ്യമായി​ കൂട്ടിയിട്ട മാലി​ന്യങ്ങളും കത്തി​.

നഗരസഭ ഹെൽത്ത് ഇൻസ്പെക്ടർ സ്ഥലം സന്ദർശിച്ചു. കുറ്റക്കാർക്കെതിരെ ശക്തമായ നടപടി സ്വീകരിക്കുമെന്ന് നഗരസഭ ചെയർമാൻ ആന്റണി​ ആശാൻ പറമ്പിൽ പറഞ്ഞു. അഗ്നിരക്ഷാനിലയത്തിൽ നിന്നും സ്റ്റേഷൻ ഓഫീസർ കെ.വി. മനോഹരൻ, അസി. സ്റ്റേഷൻ ഓഫീസർ വിനുരാജ് .ടി., ഫയർ ആൻഡ് റെസ്ക്യു ഓഫീസർമാരായ പോൾ മാത്യു, അനുരാജ്. ഇ.ആർ. അനൂപ്. എ.പി​.കണ്ണൻ, പി​. ഷിനോദ് എന്നിവർ നേതൃത്വം നൽകി.