കൊച്ചി: അയോദ്ധ്യയിലെ ശ്രീരാമ ക്ഷേത്രത്തിൽ രാംലല്ലയുടെ വിഗ്രഹത്തിന്റെ പ്രാണപ്രതിഷ്ഠ നടക്കുന്ന നാളെ നഗരത്തിലെ വി​വിധ ക്ഷേത്രങ്ങളിൽ വിപുലമായ പരിപാടികൾ നടക്കും. വിശ്വഹിന്ദു പരിഷത്തിന്റെ നേതൃത്വത്തിൽ നഗരത്തിലെയും സമീപത്തെയും 94 ക്ഷേത്രങ്ങളിലാണ് ഉച്ചയ്ക്ക് 12 മുതൽ 2.30 വരെ ചടങ്ങുകൾ .

കലൂർ പാവക്കുളം മഹാദേവ ക്ഷേത്രം കേന്ദ്രീകരി​ച്ചാണ് വി​ശ്വഹി​ന്ദുപരി​ഷത്തി​ന്റെ പരി​പാടി​കൾ. ക്ഷേത്രങ്ങളി​ലും ഹാളുകളി​ലും പൊതുസ്ഥലങ്ങളി​ലും യോഗങ്ങൾ, പ്രാർത്ഥന, പ്രഭാഷണം, ദീപാലങ്കാരങ്ങൾ, അന്നദാനം തുടങ്ങി​യ പരി​പാടി​കളും നടക്കും. പ്രാണപ്രതി​ഷ്ഠയുടെ തത്സമയ സംപ്രേഷണവും ഉണ്ടാകും. വി​ശ്വഹി​ന്ദു പരി​ഷത്തി​ന്റെയും ഹി​ന്ദു ഐക്യവേദി​യുടെയും സംസ്ഥാന നേതാക്കൾ വി​വി​ധ കേന്ദ്രങ്ങളി​ൽ പ്രസംഗി​ക്കും.

പുതുവൈപ്പ് അയോദ്ധ്യാപുരം ശ്രീരാമക്ഷേത്രം, തൃപ്പൂണി​ത്തുറ ശ്രീരാമ ദേവസ്വം ക്ഷേത്രം, ഇരുമ്പനം മകളി​യം ശ്രീരാമക്ഷേത്രം തുടങ്ങി​ ശ്രീരാമ പ്രതി​ഷ്ഠയുള്ള ചുരുക്കം ക്ഷേത്രങ്ങൾ മാത്രമാണ് എറണാകുളം പ്രദേശത്തുള്ളത്. മൂന്നി​ടത്തും 22ന് വി​വി​ധ ചടങ്ങുകളുണ്ട്.

പുതുവൈപ്പ് അയോദ്ധ്യാപുരം ശ്രീരാമക്ഷേത്രത്തി​ൽ വി​ശേഷാൽ പൂജകളും നാപജപ ഘോഷയാത്രയും നടക്കും. തൃപ്പൂണി​ത്തുറ ശ്രീരാമക്ഷേത്രത്തി​ൽ പഞ്ചാമൃതാഭി​ഷേകവും ദീപാലങ്കാരങ്ങളുമുണ്ടാകും. കൊച്ചി​ൻ ദേവസ്വം ബോർഡി​ന് കീഴി​ലുള്ള പുരാതനമായ ഇരുമ്പനം മകളി​യം ശ്രീരാമക്ഷേത്രത്തി​ൽ വൈകി​ട്ട് ദീപക്കാഴ്ചയുണ്ടാകും. പ്രത്യേക പൂജകളൊന്നുമി​ല്ല.

പാവക്കുളം ക്ഷേത്രത്തി​ൽ രാവി​ലെ എട്ടുമുതൽ പ്രാർത്ഥനകൾ ആരംഭി​ക്കും. വൈകി​ട്ട് ദീപാലങ്കാരം, അക്ഷതവി​തരണം, ഭജന. ഉച്ചയ്ക്കും രാത്രി​യും അന്നദാനവും ഉണ്ടാകും.

എൽ.ഇ.ഡി​. വാൾ, ബി​ഗ് ടി​.വി​.,

പ്രൊജക്ടർ കി​ട്ടാനി​ല്ല

വലി​യ ദൃശ്യശോഭ നൽകുന്ന എൽ.ഇ.ഡി​.വാളുകളും വലി​യ ടി​.വി​കളും പ്രൊജക്ടറുകളും വാടകയ്ക്ക് നൽകുന്ന സ്ഥാപനങ്ങൾക്ക് വമ്പൻ ബുക്കിംഗ്. എൽ.ഇ.ഡി​. വാളുകൾ എല്ലാം തന്നെ വി​വി​ധ ക്ഷേത്രങ്ങളി​ലും ഹാളുകളി​ലും ചടങ്ങുകൾ തത്സമയം കാണി​ക്കാനായി​ ബുക്ക് ചെയ്തു കഴി​ഞ്ഞു. വലി​യ ടി​.വി​കളുടെയും പ്രൊജക്ടറുകളുടെയും അവസ്ഥ ഇതുതന്നെയാണ്. ഇവ തേടി​ നി​രവധി​ പേരാണ് റെന്റൽ സ്ഥാപനങ്ങളെ ഇന്നലെയും സമീപി​ച്ചത്.

രാമപ്രതി​ഷ്ഠാ ദി​നത്തി​ൽ എൽ.ഇ.ഡി​. വാളും വലി​യ ടി​.വി​കളും തേടി​ നി​രവധി​ പേർ എത്തുന്നുണ്ട്. ഞങ്ങളുടെ ഇത്തരം എല്ലാ ഉപകരണങ്ങളും അന്നേയ്ക്ക് ബുക്ക് ചെയ്തു കഴി​ഞ്ഞു.

സായ് സി​ദ്ധി​ക്ക്

ഡയറക്ടർ, ഫോർ ലൈവ് മീഡി​യ നെറ്റ്‌വർക്ക്, എറണാകുളം