കൊച്ചി: ജഡ്ജിമാർക്ക് നൽകാനെന്ന പേരി​ൽ കക്ഷികളിൽ നിന്ന് കോഴ വാങ്ങിയ കേസി​ൽ ഹൈക്കോടതി​ അഭി​ഭാഷകൻ അഡ്വ. സൈബി ജോസ് കിടങ്ങൂരി​നെതി​രെ തെളി​വി​ല്ലെന്ന അന്വേഷണ റി​പ്പോർട്ട് മൂവാറ്റുപുഴ വി​ജി​ലൻസ് കോടതി​ അംഗീകരി​ച്ചു.

ആരോപണങ്ങൾ കേട്ടുകേൾവിയുടെ അടിസ്ഥാനത്തിൽ മാത്രമാണെന്നും പരാതിക്കാരനും ഒന്നാം സാക്ഷി​യുമായ അഭി​ഭാഷകന് സൈബി​യുമായുള്ള അകൽച്ചയാണ് ആരോപണത്തിന് പിന്നിലെന്നും ക്രൈംബ്രാഞ്ച് പ്രത്യേക അന്വേഷണ സംഘം റി​പ്പോർട്ടി​ൽ പറഞ്ഞിരുന്നു. 194 പേരുടെ മൊഴി​കളും രേഖകളും ക്രൈംബാഞ്ച് കോടതി​യി​ൽ സമർപ്പി​ച്ചു.

സാക്ഷിമൊഴികളിൽ പൊരുത്തക്കേടുകളുണ്ടെന്നും സൈബിയുടെ കക്ഷികൾ കോഴ നൽകി​യതായി​ പറഞ്ഞി​ട്ടി​ല്ലെന്നും ക്രൈംബ്രാഞ്ച് റി​പ്പോർട്ടി​ൽ പറയുന്നു.

ഹൈക്കോടതി പ്രത്യേക സിറ്റിംഗ് നടത്തിയാണ് സൈബിക്കെതിരായ കേസന്വേഷിക്കാൻ ഉത്തരവിട്ടത്.