പറവൂർ: എസ്.എൻ.ഡി.പി യോഗം നന്ത്യാട്ടുകുന്നം ശാഖയിലെ പി.ടി. ഭാസ്കരൻ സ്മാരക ശ്രീനാരായണ പ്രാർത്ഥന കുടുംബയോഗത്തിന്റെ ഇരുപത്തിനാലാമത് വാർഷികാഘോഷം പറവൂർ യൂണിയൻ പ്രസിഡന്റ് സി.എൻ. രാധാകൃഷ്ണൻ ഉദ്ഘാടനം ചെയ്തു. ശാഖാ വൈസ് പ്രസിഡന്റ് ഓമന ശിവൻ അദ്ധ്യക്ഷത വഹിച്ചു. എസ്.എൻ.ഡി.പി യോഗം ഇൻസ്പെക്ടിംഗ് ഓഫീസർ ഡി. ബാബു, മേഖലാ കൺവീനർ ഡി. പ്രസന്നകുമാർ, ശാഖാ സെക്രട്ടറി കെ.ബി. വിമൽകുമാർ, യൂണിയൻ കമ്മിറ്റി അംഗം കെ.ആർ. ഹരി, വനിതാസംഘം പ്രസിഡന്റ് കുമാരി, കുടുംബയോഗം രക്ഷാധികാരി കെ.കെ. സന്തോഷ്, കൺവീനർ പി.കെ. സൂരജ്, അനന്യ സുനിൽ എന്നിവർ സംസാരിച്ചു.