കൊച്ചി: മൂപ്പൻസ് സോളാറും കേരളകൗമുദിയും ചേർന്ന് സംഘടിപ്പിക്കുന്ന ഗ്രീൻ എനർജി കോൺക്ളേവ് ഇന്ന് ഉച്ചയ്ക്ക് 2.30ന് എറണാകുളം ബി.ടി.എച്ചിൽ നടക്കും. പാരമ്പര്യേതര ഉൗർജത്തിന്റെ അനന്തസാദ്ധ്യതകളും കേരളത്തിലെ സാഹചര്യത്തിൽ സൗരോർജ സംവിധാനം വീടുകളിൽ വ്യാപിപ്പിച്ചാൽ ഉണ്ടാകുന്ന നേട്ടങ്ങളും പ്രതിപാദിക്കുന്ന 'മൂപ്പൻസ് സോളാർ - കേരളകൗമുദി കോൺക്ളേവ്" വൈദ്യുതി​ മന്ത്രി​ കെ. കൃഷ്ണൻകുട്ടി​ ഉദ്ഘാടനം ചെയ്യും.

കേരളകൗമുദി കൊച്ചി യൂണിറ്റ് ചീഫ് പ്രഭു വാര്യർ അദ്ധ്യക്ഷത വഹിക്കും. ടി.ജെ.വിനോദ് എം.എൽ.എ വിശിഷ്ടാതിഥിയാകും. കൗൺസിലർ പത്മജ എസ്. മേനോൻ ആശംസ നേരും. കേരളകൗമുദി ഡി.ജി.എം (മാർക്കറ്റിംഗ് ) റോയ് ജോൺ സ്വാഗതവും സ്പെഷ്യൽ കറസ്പോണ്ടന്റ് എം.എസ്. സജീവൻ നന്ദിയും പറയും.

തുടർന്ന് നടക്കുന്ന ചർച്ചയിൽ മൂപ്പൻസ് സോളാർ ഓപ്പറേഷൻസ് ഡയറക്ടർ നീരജ് ആർ. നായർ, മാസ്റ്റേഴ്സ് സെക്രട്ടറി പി​.ജെ. കുര്യാച്ചൻ, ക്രീപ സെക്രട്ടറി എൻ. മുഹമ്മദ് ഷെഫീക്ക്, റിന്യൂവബിൾ എനർജി വിദഗ്ദ്ധൻ എം. സാംബശിവൻ, റെനർജി​ സി​സ്റ്റംസ് എം.ഡി​. റോയ് ക്രിസ്റ്റി തുടങ്ങിയവർ ചർച്ചകളി​ൽ പങ്കെടുക്കും. കൗമുദി​ ടി​.വി ന്യൂസ് ഹെഡ് ലിയോ രാധാകൃഷ്ണൻ മോഡറേറ്ററാകും. കൊച്ചിയിലെ വിവിധ റസിഡന്റ്സ് അസോസിയേഷനുകളുടെ നൂറോളം പ്രതിനിധികൾ പങ്കെടുക്കും.