കൊച്ചി: ചുങ്കത്ത് ജുവലറിയുടെ കൊല്ലത്തെ രണ്ട് ഷോറൂമുകളുടെ ഉദ്ഘാടനത്തോട് അനുബന്ധിച്ച് 'ഭരണഘടന ജനങ്ങളിലേക്ക്" എന്ന പരിപാടിയുടെ ഭാഗമായി കൊല്ലം ആശ്രാമം മൈതാനിയിൽ കൂറ്റൻ റെഡ് ഫോർട്ട് മാതൃക ഒരുങ്ങുന്നു. 23 മുതൽ 26 വരെ നടക്കുന്ന പ്രദർശനത്തിൽ പ്രവേശനം സൗജന്യമാണ്. ഭരണഘടനയുടെ മാതൃകയും ഇവി​ടെയുണ്ട്. ഡ്രാഫ്റ്റ് കമ്മിറ്റി രൂപീകരണത്തിലുൾപ്പെട്ട വ്യക്തിത്വങ്ങൾക്കുള്ള സ്നേഹാദരമായാണ് മാതൃക ഒരുങ്ങുന്നത്. പരിപാടിയുടെ ഉദ്ഘാടനവും ചുങ്കത്ത് ജുവലറിയുടെ കുണ്ടറ ഷോറൂമിന്റെയും നവീകരിച്ച കൊല്ലം ഷോറൂമിന്റെയും ഉദ്ഘാടനം ക്ഷീരവികസന മന്ത്രി ജെ.ചിഞ്ചുറാണി നിർവഹിക്കും.ആശ്രാമം മൈതാനിയിൽ 24ന് നടക്കുന്ന ചടങ്ങിൽ എം.മുകേഷ് എം.എൽ.എ. അധ്യക്ഷത വഹിക്കും എൻ.കെ. പ്രേമചന്ദ്രൻ എം.പി, മേയർ പ്രസന്ന ഏണസ്റ്റ്, എം.നൗഷാദ് എം.എൽ.എ., മുൻ വിദ്യാഭ്യാസ മന്ത്രി എം.എ. ബേബി, കളക്ടർ എൻ.ദേവീദാസ് എന്നിവർ സംബന്ധിക്കും. പരിപാടിയുടെ ഭാഗമായി സ്കൂൾ, കോളേജ്, പൊതു വിഭാഗങ്ങളിലായി ചിത്രരചന, ദേശഭക്തിഗാനം, ക്വിസ് മൽസരങ്ങൾ നടക്കും.