പെരുമ്പാവൂർ: ഇരിങ്ങോൽ ഗവ: വി.എച്ച്.എസ്.എസിലെ ഒന്നാം ക്ലാസ് വിദ്യാർത്ഥികളുടെ "മലർവാടിയിലെ കുഞ്ഞോർമ്മകൾ " എന്ന സംയുക്ത ഡയറിയുടെ പ്രകാശനം നടന്നു.ഒന്നാം ക്ലാസിലെ കുട്ടികൾ എഴുതിയ ഡയറിക്കുറിപ്പിലെ ഭാഗങ്ങൾ ചേർത്തുകൊണ്ട് തയ്യാറാക്കിയതാണ് ഡയറി​. സ്കൂൾ ഓഡിറ്റോറിയത്തിൽ പി.ടി.എ പ്രസിഡന്റ് എൽദോസ് വീണമാലിയുടെ അദ്ധ്യക്ഷതയിൽ നടന്ന യോഗം
വാർഡ് കൗൺസിലർ ശാന്ത പ്രഭാകരൻ ഉദ്ഘാടനം ചെയ്തു സാഹിത്യകാരൻ സുരേഷ് കീഴില്ലം സംയുക്ത ഡയറി പ്രകാശനവും നടത്തി. സ്കൂൾ ഹെഡ്മിസ്ട്രസ് ജ്യോതി, എസ്. എം.സി ചെയർമാൻ അരുൺ പ്രശോഭ്, എം. പി.ടി.എ ചെയർപേഴ്സൺ സരിത രവികുമാർ, എൻ.എസ്. എസ് പ്രോഗ്രാം ഓഫീസർ സമീർ സിദ്ധിഖി എന്നിവർ സംസാരിച്ചു. സംയുക്ത ഡയറിയുടെ ഉദ്ദ്യേശലക്ഷ്യങ്ങൾ ക്ലാസ് ടീച്ചർമാരായ സനിത, ബോബി എന്നിവർ വിശദീകരിച്ചു. ഡയറി എഴുത്തിലൂടെ കുട്ടികൾക്കുണ്ടായ മാറ്റങ്ങളെക്കുറി​ച്ച് രക്ഷിതാക്കൾ അനുഭവങ്ങൾ പങ്കുവച്ചു.