പെരുമ്പാവൂർ: ഗുരുദേവന്റെ പാദസ്പർശംകൊണ്ട് പരിപാവനമായ ചേരാനല്ലൂർ ധർമ്മപരിപാലന സഭ വക ഇടവൂർ ശ്രീ ശങ്കരനാരാ യണ ക്ഷേത്രത്തിലെ തൈപ്പൂയ മഹോത്സവത്തിന്റെ ഭാഗമായിട്ടുള്ള കാവടി ഘോഷയാത്രകൾ ഇന്നലെ ആരംഭിച്ചു. ഇന്ന് കാവടി അഭിഷേകം,​ വൈകിട്ട് 3.30 മുതൽ പകൽപ്പൂരം. തൃശൂർ തിരുവമ്പാടി വിഭാഗത്തിന്റെ മേളപ്രമാണി ചേരാനല്ലൂർ ശങ്കരൻകുട്ടി മാരാരുടെ പ്രാമാണിത്വത്തിൽ നടക്കുന്ന പകൽപ്പൂരത്തിൽ ഗജരാജ വൈഢൂര്യം പുതുപ്പള്ളി സാധു തിടമ്പേറ്റും. നാളെ ആറാട്ടോടെ എട്ടു ദിവസം നീണ്ടുനിന്ന തൈപ്പൂയ മഹോത്സവത്തിന് സമാപനമാകും.