കൊച്ചി: ജലജീവൻ മിഷൻ പദ്ധതിയിൽ ഉൾപ്പെടുത്തി കളമശേരി നിയോജക മണ്ഡലത്തിൽ പഴയ എ.സി പൈപ്പുകൾ മാറ്റി സ്ഥാപിക്കുന്നതിനാൽ യു.സി കോളേജ്- ഇടയാർ റോഡിൽ 30 വരെ ഗതാഗത നിയന്ത്രണം നീട്ടി.
തൃശൂർ, അങ്കമാലി, പറവൂർ ഭാഗത്ത് നിന്ന് ഇടയാറിലേക്ക് വരുന്ന ഭാരവാഹനങ്ങൾ കളമശേരി കണ്ടെയ്‌നർ റോഡ് വഴിപോകണം. തിരിച്ച് ഇടയാർ- പാതാളം ഭാഗത്ത് നിന്ന് ആലുവയിലേക്ക് പോകുന്ന ഭാരവാഹനങ്ങളും ഈ റോഡ് വഴി കടന്നുപോകണം. ചെറുവാഹനങ്ങൾ കിഴക്കെ കടുങ്ങല്ലൂർ അമ്പലം, ഏലൂക്കര, കയന്തിക്കര, മുപ്പത്തടം ഇൻഡസ്ട്രിയർ കവല വഴി പോകണം. പടിഞ്ഞാറെ കടുങ്ങല്ലൂർ മുതൽ മുപ്പത്തടം ജംഗ്ഷൻ വരെയുള്ള ഭാഗത്തെ പഞ്ചായത്ത് ഇടറോഡുകളിലൂടെ വരുന്ന വാഹനങ്ങൾ പി.ഡബ്ല്യു.ഡി റോഡ് ഒഴിവാക്കി മറ്റ് ബൈ റോഡുകൾ ഗതാഗതത്തിന് ഉപയോഗിക്കണം.