കോലഞ്ചേരി: പി.വി. ശ്രീനിജിൻ എം.എൽ.എയ്ക്കെതിരായ വിവാദ പരാമർശങ്ങളിൽ സാബു എം. ജേക്കബിനെതിരെ കേസെടുത്തു. പ്രവാസിസംഘം ഏരിയാ പ്രസിഡന്റ് ജോഷി വർഗീസ് നൽകിയ പരാതിയിലാണ് ട്വന്റി20 ചീഫ് കോ ഓർഡിനേറ്ററും കിറ്റെക്‌സ് എം.ഡിയുമായ സാബു എം. ജേക്കബിനെതിരെ പുത്തൻകുരിശ് പൊലീസ് കേസെടുത്തത്. കലാപാഹ്വാനം, വിദ്വേഷപ്രസംഗം നടത്തി എന്നീ കുറ്റകൃത്യങ്ങൾക്ക് ഐ.പി.സി 153 വകുപ്പ് ചേർത്താണ് കേസ്. കഴിഞ്ഞ ഞായറാഴ്ച നടന്ന ട്വന്റി20 പൂതൃക്ക പഞ്ചായത്ത് സമ്മേളന വേദിയിലായിരുന്നു വിവാദപ്രസംഗം.