പറവൂർ: വടക്കേക്കര ഹിന്ദുമത ധർമ്മപരിപാലന സഭ മൂത്തകുന്നം ശ്രീനാരായണമംഗലം ക്ഷേത്രത്തിൽ മഹോത്സവദിനമായ ഇന്ന് രാവിലെ എട്ടിന് ശ്രീബലി, രാവിലെ പതിനൊന്നിനും വൈകിട്ട് മൂന്നിനും ഓട്ടൻതുള്ളൽ, വൈകിട്ട് നാലിന് കാഴ്ചശ്രീബലി, രാത്രി എട്ടിന് വർണക്കാഴ്ചകൾ, എട്ടരയ്ക്ക് നാദസ്വരക്കച്ചേരി, പുലർച്ചെ ഒന്നിന് പള്ളിവേട്ടയും വിളിക്കിനെഴുന്നള്ളിപ്പും. ആറാട്ട് മഹോത്സവദിനമായ നാളെ രാവിലെ എട്ടിന് ശ്രീബലി, രാവിലെ പതിനൊന്നിനും വൈകിട്ട് മൂന്നിനും ഓട്ടൻതുള്ളൽ, വൈകിട്ട് നാലിന് കാഴ്ചശ്രീബലി, രാത്രി എട്ടിന് വർണക്കാഴ്ചകൾ, എട്ടരയ്ക്ക് നാദസ്വരകച്ചേരി, പുലർച്ചെ രണ്ടരയ്ക്ക് ആറാട്ടും വിളിക്കിനെഴുന്നള്ളിപ്പിനുംശേഷം മഹോത്സവത്തിന് കൊടിയിറങ്ങും.