മൂവാറ്റുപുഴ: ഗവ.മോഡൽ ഹൈസ്കൂൾ ക്യാമ്പസിലെ ബി.എഡ് കോളേജിൽ സംഘടിപ്പിച്ച എൻ.എസ്.എസ് സപ്തദിന സഹവാസ ക്യാമ്പിന്റെ ഭാഗമായി ലഹരിക്കെതിരെ കൈകോർക്കൽ, ലഹരി വിരുദ്ധജ്വാല എന്നിവ നടത്തി. എക്സൈസ് പ്രിവന്റീവ് ഇൻസ്‌പെക്ടർ ടി.എൽ. ഗോപാലകൃഷ്ണൻ ലഹരിവിരുദ്ധ ബോധവത്കരണ ക്ലാസ് നയിച്ചു,​ വൈകിട്ട് നടന്ന ലഹരിവിരുദ്ധ ജ്വാലയിൽ എൻ.എസ്.എസ് വോളന്റിയർമാർക്കൊപ്പം ഗ്രാമപഞ്ചായത്ത് പ്രതിനിധികൾ, പി.ടി.എ അംഗങ്ങൾ, സാമൂഹ്യപ്രവത്തകർ,​ ഓട്ടോ തൊഴിലാളികൾ തുടങ്ങിയവർ പങ്കെടുത്തു.