മൂവാറ്റുപുഴ: യുവാകലാസാഹിതി മൂവാറ്റുപുഴ മണ്ഡലം കമ്മിറ്റിയുടെ ആഭിമുഖ്യത്തിൽ കലാകേന്ദ്ര ഫൈൻ ആർട്സ് അക്കാഡമിയുടെ സഹകരണത്തോടെ കുട്ടികൾക്കായി ചിത്രരചന പഠന കളരി സംഘടിപ്പിച്ചു. ചലച്ചിത്ര അക്കാഡമി അംഗം എൻ. അരുൺ സമാപന പരിപാടി ഉദ്ഘാടനം ചെയ്തു. യുവകലാസാഹിതി സംസ്ഥാന സെക്രട്ടറി ശാരദ മോഹൻ, സംസ്ഥാന കമ്മിറ്റി അംഗം ജോർജ് വെട്ടികുഴി, കലാകേന്ദ്ര പ്രിൻസിപ്പൽ വർഗീസ് മണ്ണത്തൂർ, കെ.വി. അനിൽകുമാർ,​ കെ.പി. അലികുഞ്ഞ്, കെ.പി. സബീഷ്, അബുഅലി, കെ.ബി. നിസാർ, സി.എം. ഇബ്രാഹിം കരിം, സാഗർ മമ്മൂട്ടി, സി.എൻ. ഷാനവാസ് എന്നിവർ സംസാരിച്ചു. പ്രമോദ് ഗോപാലകൃഷ്ണൻ ക്ലാസ് നയിച്ചു.