കൊച്ചി: ക്യാൻസർ രോഗ വിദഗ്ദ്ധൻ ഡോ. വി.പി ഗംഗാധരന്റെ അനുഭവങ്ങൾ ആസ്പദമാക്കി ഹ്രസ്വചിത്രം 'പെരുമ്പറ" ഒരുങ്ങുന്നു. നിബു പേരേറ്റിൽ സംവിധാനം ചെയ്യും. ഡോ. ഗംഗാധരന്റെ കഥയ്ക്ക് സുഗതൻ കണ്ണൂരാണ് തിരക്കഥ. അനീഷ് രവി, സീമ ജി. നായർ, പ്രമോദ് വെളിയനാട് തുടങ്ങിയവർ കഥാപാത്രങ്ങളെ അവതരിപ്പിക്കും. ലോക ക്യാൻസർ ദിനമായ ഫെബ്രുവരി നാലിന് രാവിലെ ഒമ്പതിന് എറണാകുളം ഐ.എം.എ ഹൗസിൽ ചിത്രത്തിന്റെ പൂജ നടക്കും. ക്യാൻസർ ശസ്ത്രക്രിയാ വിദഗ്ദ്ധൻ ഡോ. ജോജോ ജോസഫ് ഭദ്രദീപം തെളിക്കും. ബൈജു കെ. ബാബുവാണ് നിർമ്മാതാവ്. ഛായാഗ്രഹണം: കൃഷ്ണകുമാർ കോടനാട്, നിശ്ചലഛായാഗ്രഹണം: ജിതേഷ് ദാമോദർ.