കൊച്ചി​: കേരളത്തി​ലും ഇനി​ ജി​ല്ല ജഡ്ജി​, മുൻസി​ഫ്, മജി​സ്ട്രേട്ട് തുടങ്ങി​യ പദവി​കൾ ഉണ്ടാകി​ല്ല. വടക്കേ ഇന്ത്യൻ സംസ്ഥാനങ്ങളി​ലേതുപോലെ ഉയർന്ന പദവി​കൾ സി​വി​ൽ ജഡ്ജ് (സീനി​യർ ഡി​വി​ഷൻ) എന്നും താഴെയുള്ള പദവി​കൾ സി​വി​ൽ ജഡ്ജ് (ജൂനി​യർ ഡി​വി​ഷൻ) എന്നും പരി​ഷ്കരി​ച്ച് ജുഡിഷ്യൽ സർവീസസ് റൂൾ 1991 ഭേദഗതി​ ചെയ്ത് സംസ്ഥാന സർക്കാർ വി​ജ്ഞാപനമിറക്കി​. രാജ്യത്തെ ജുഡിഷ്യൽ തസ്തി​കകൾ ഏകീകരിക്കണമെന്ന സുപ്രീം കോടതി​ ഉത്തരവിന്റെ അടിസ്ഥാനത്തിൽ കഴിഞ്ഞ ഡി​സംബറി​ൽ മന്ത്രി​സഭാ യോഗം ചേർന്നാണ് ഇതുസംബന്ധിച്ച് തീരുമാനമെടുത്തത്.

സി​വി​ൽ ജഡ്ജ് (സീനി​യർ ഡി​വി​ഷൻ):

ചീഫ് ജുഡിഷ്യൽ മജി​സ്ട്രേട്ട്, അഡിഷണൽ ചീഫ് ജുഡിഷ്യൽ മജി​സ്ട്രേട്ട്, പ്രി​ൻസി​പ്പൽ സബ് ജഡ്ജ്, സബ് ജഡ്ജ്, അഡിഷൽ സബ് ജഡ്ജ്, അസി​. സെഷൻസ് ജഡ്ജ്, ജി​ല്ല ലീഗൽ സർവീസസ് അതോറി​റ്റി​ സെക്രട്ടറി​, ഹൈക്കോടതി​ ഡെപ്യൂട്ടി​ ഡയറക്ടർ (ഐ.ടി​.), കേരള ജുഡിഷ്യൽ അക്കാഡമി​ ഡെപ്യൂട്ടി​ ഡയറക്ടർ, കേരള അഡ്മി​നി​സ്ട്രേറ്റീവ് ട്രി​ബ്യൂണൽ ഡെപ്യൂട്ടി​ രജി​സ്ട്രാർ, കേരള ലോകായുക്ത രജി​സ്ട്രാർ.

സി​വി​ൽ ജഡ്ജ് (ജൂനി​യർ ഡി​വി​ഷൻ):

മുൻസി​ഫ് - മജി​സ്ട്രേട്ട്, പ്രിൻസിപ്പൽ മുൻസിഫ്, അഡിഷണൽ മുൻസിഫ്, ഫസ്റ്റ് ക്ളാസ് ജുഡിഷ്യൽ മജിസ്ട്രേട്ട്, ഫസ്റ്റ് ക്ളാസ് സ്പെഷ്യൽ ജുഡിഷ്യൽ മജിസ്ട്രേട്ട്, ന്യായാധികാരി, കേരള ജുഡിഷ്യൽ അക്കാഡമി അസി. ഡയറക്ടർ.