കഞ്ഞിക്കുഴി: ദേശീയ അദ്ധ്യാപക പരിഷത്ത് ജില്ലാ സമ്മേളനം തൊടുപുഴ ബി.എം.എസ് ഓഫീസിൽ 13ന് നടക്കും. സംസ്ഥാന വൈസ് പ്രസിഡന്റ് ആർ. ജിഗി ഉദ്ഘാടനം ചെയ്യും. ഉദ്ഘാടന സമ്മേളനം, സൗഹൃദ സമ്മേളനം, സംഘടനാ സമ്മേളനം, യാത്രയയപ്പ് സമ്മേളനം എന്നിവ ഉണ്ടാകുമെന്ന് ജില്ലാ ഭാരവാഹികൾ അറിയിച്ചു. വിവിധ സമ്മേളനങ്ങളിലായി സംസ്ഥാന വൈസ് പ്രസിഡന്റ് ആർ. ജിഗി, സംസ്ഥാന സമിതി അംഗം ഹരി ആർ. വിശ്വനാഥ്, ബി.ജെ.പി മദ്ധ്യ മേഖലാ സെക്രട്ടറി ബിനു ജെ. കൈമൾ, ബി.എം.എസ് ജില്ലാ സെക്രട്ടറി കെ.എം. സിജു, എൻ.ജി.ഒ സംഘ് സംസ്ഥാന ജോയിന്റ് സെക്രട്ടറി വി.കെ. സാജൻ, കെ.ജി.ഒ സംഘ് സംസ്ഥാന വൈസ് പ്രസിഡന്റ് വി.കെ. ബിജു, കെ.എഫ്.പി.എസ് സംഘ് സംസ്ഥാന ജോയിന്റ് സെക്രട്ടറി ജോസഫ് വർഗീസ്, പെൻഷനേഴ്‌സ് സംഘ് ജില്ലാ പ്രസിഡന്റ് ബി. സരളാദേവി ,ഒ.ആർ. അനൂപ് എന്നിവർ പങ്കെടുക്കുമെന്ന് എൻ.ടി.യു ജില്ലാ ജനറൽ സെക്രട്ടറി വി.സി. രാജേന്ദ്രകുമാർ അറിയിച്ചു.