ഇടുക്കി: കേരള കാർഷിക സർവ്വകലാശാലയുടെ വെള്ളാനിക്കരയിലുള്ള സെന്റർ ഫോർ ഇ​ലേണിംഗിൽ ഒരു വർഷത്തേക്ക് കരാർ അടിസ്ഥാനത്തിൽ അസിസ്റ്റന്റ് പ്രൊഫസർ നിയമനത്തിനായി വാക്ക്​ഇൻ​ഇന്റർവ്യൂ നടത്തുന്നു. താൽപ്പര്യമുള്ള ഉദ്യോഗാർത്ഥികൾക്ക് 17 ന് വാക്ക്​ഇൻ​ഇന്റർവ്യൂവിൽ പങ്കെടുക്കാം. സർട്ടിഫിക്കറ്റ് വെരിഫിക്കേഷൻ രാവിലെ 9 നും അഭിമുഖം രാവിലെ 10നും ആരംഭിക്കുന്നതാണ്.

യോഗ്യതകൾ ​ അപേക്ഷകർ കുറഞ്ഞത് 55% മാർക്കോടെ കേരള അഗ്രികൾച്ചറൽ യൂണിവേഴ്‌സിറ്റി അംഗീകരിച്ച അഗ്രികൾച്ചറൽ എക്സ്റ്റൻഷനിൽ ബിരുദാനന്തര ബിരുദം നേടിയിരിക്കണം. ഐ.സി.എ.ആർ നടത്തുന്ന നെറ്റ് അല്ലെങ്കിൽ പിഎച്ച്.ഡി നേടിയവർക്ക് പങ്കെടുക്കാം. അപേക്ഷകന്റെ പ്രായം 01.01.2024​ന് 50 വയസ്സിന് മുകളിൽ ആയിരിക്കരുത്. (പ്രായപരിധിയിൽ നിയമാനുസൃത ഇളവ് ഉണ്ടായിരിക്കും). കൂടുതൽ വിവരങ്ങൾക്കായി https://kau.in/announcement/25384 സന്ദർശിക്കുക.