തൊടുപുഴ: എൽ.ഡി.എഫ് ഇടുക്കി ജില്ലാ കമ്മിറ്റി രാജ്ഭവൻ മാർച്ച് നടത്താൻ തീരുമാനിച്ച ജനു.ഒമ്പതിന് വ്യാപാരി വ്യവസായി ഏകോപന സമിതിയുടെ പരിപാടിക്ക് ഗവർണർ തൊടുപുഴയിലേക്ക്. ഇതിൽ പ്രതിഷേധിച്ച്

ജില്ലയിൽ അന്ന് എൽ.ഡി.എഫ് ഹർത്താൽ പ്രഖ്യാപിച്ചു. പരിപാടി ഒഴിവാക്കണമെന്ന് എൽ.ഡി.എഫ്. നേതാക്കൾ വ്യാപാരി സമൂഹത്തോട് അഭ്യർത്ഥിച്ചു. നിശ്ചയിച്ചപോലെ ഒമ്പതിന് പരിപാടി നടത്തുമെന്ന് കേരള വ്യാപാരി വ്യവസായി ഏകോപന സമിതി ജില്ലാ പ്രസിഡന്റ് സണ്ണി പൈമ്പിള്ളിൽ പറഞ്ഞു.

വ്യാപാരി വ്യവസായി ഏകോപന സമിതി ജില്ലയിൽ നടപ്പിലാക്കുന്ന കാരുണ്യം കുടുംബ സുരക്ഷാ പദ്ധതിയുടെ ഉദ്ഘാടനമാണ് രാവിലെ 11.30ന് തൊടുപുഴ മർച്ചന്റ്സ് ട്രസ്റ്റ് ഹാളിൽ നടക്കുന്നത്.

ഭൂമിപതിവ് ഭേദഗതി ബില്ലിൽ ഒപ്പിടാത്ത ഗവർണറുടെ നിലപാടിനെതിരെയാണ് ജില്ലയിൽ നിന്ന് പതിനായിരങ്ങളെ അണിനിരത്തി എൽ.ഡി.എഫ് രാജ്ഭവൻ മാർച്ച് നടത്തുന്നത്. അതേ ദിവസം വ്യാപാരി വ്യവസായി ഏകോപന സമിതിയുടെ പരിപാടിയിൽ പങ്കെടുക്കാൻ ഗവർണർ തീയതി നൽകുകയായിരുന്നു. ആ ദിവസം ഗവർണറെ ക്ഷണിച്ച് ആദരിക്കാനുള്ള വ്യാപാരി വ്യവസായി ഏകോപന സമിതിയുടെ തീരുമാനം പ്രതിഷേധാർഹമാണെന്ന് എൽ.ഡി.എഫ് ജില്ലാ കൺവീനർ കെ.കെ.ശിവരാമൻ, സി.പി.എം ജില്ലാ സെക്രട്ടേറിയറ്റ് അംഗം വി.വി. മത്തായി തുടങ്ങിയവർ വാർത്താസമ്മേളനത്തിൽ പറഞ്ഞു. തീരുമാനത്തിൽ മാറ്റമില്ലെങ്കിൽ ജനങ്ങൾ ഹർത്താലിലൂടെ മറുപടി നൽകും. എട്ടിന് വൈകിട്ട് ജില്ലയുടെ വിവിധ ഭാഗങ്ങളിൽ ഹർത്താലിന് പിന്തുണ പ്രഖ്യാപിച്ച് പ്രകടനങ്ങളും സമ്മേളനങ്ങളും നടക്കുമെന്നും നേതാക്കൾ പറഞ്ഞു.

നവംബർ ആറിനാണ് ഗവർണറെ ക്ഷണിച്ചതെന്നും ഡിസംബറിലെ തീയതി നൽകണമെന്നാണ് അഭ്യർത്ഥിച്ചതെന്നും വ്യാപാരികൾ വ്യക്തമാക്കി. ജനുവരി രണ്ടാം തീയതിയാണ് ഗവർണറുടെ ഓഫീസിൽ നിന്ന് ഒമ്പതിന് പങ്കെടുക്കാമെന്ന് അറിയിച്ചത്. ചടങ്ങിൽ വ്യാപാരി വ്യവസായി ഏകോപന സമിതിയുടെ അംഗങ്ങൾ മാത്രമാണ് പങ്കെടുക്കുന്നത്. ഗവർണർ പങ്കെടുക്കുന്നു എന്ന ഒറ്റക്കാരണത്താൽ ജീവകാരുണ്യ പരിപാടിയെ എതിർക്കുന്നത് ശരിയാണോയെന്ന് വ്യാപാരികൾ ചോദിക്കുന്നു.

ന​യ​പ്ര​ഖ്യാ​പ​നം
ന​ട​ത്തും​:​ഗ​വ​ർ​ണർ

തി​രു​വ​ന​ന്ത​പു​രം​:​ ​നി​യ​മ​സ​ഭ​യി​ൽ​ ​ന​യ​പ്ര​ഖ്യാ​പ​ന​ ​പ്ര​സം​ഗം​ ​ന​ട​ത്തു​മെ​ന്ന് ​ഗ​വ​ർ​ണ​ർ​ ​ആ​രി​ഫ് ​മു​ഹ​മ്മ​ദ് ​ഖാ​ൻ​ ​പ​റ​ഞ്ഞു.​ ​ന​യ​പ്ര​ഖ്യാ​പ​നം​ ​ഭ​ര​ണ​ഘ​ട​നാ​പ​ര​മാ​യ​ ​ഉ​ത്ത​ര​വാ​ദി​ത്വ​മാ​ണെ​ന്നും​ ​അ​ത് ​നി​ർ​വ​ഹി​ക്കു​മെ​ന്നും​ ​വി​മാ​ന​ത്താ​വ​ള​ത്തി​ൽ​ ​മാ​ദ്ധ്യ​മ​ങ്ങ​ളോ​ടു​ ​സം​സാ​രി​ക്ക​വെ​ ​അ​ദ്ദേ​ഹം​ ​വ്യ​ക്ത​മാ​ക്കി.​ ​ജ​നാ​ധി​പ​ത്യ​ത്തി​ൽ​ ​എ​ല്ലാ​വ​ർ​ക്കും​ ​പ്ര​തി​ഷേ​ധി​ക്കാ​ൻ​ ​അ​വ​കാ​ശ​മു​ണ്ട്.​ ​ഗ​വ​ർ​ണ​റു​ടെ​ ​സ​ഞ്ചാ​ര​പാ​ത​ ​പൊ​ലീ​സ് ​മാ​റ്റു​ന്ന​ത് ​അ​വ​രു​ടെ​ ​തീ​രു​മാ​നം​ ​അ​നു​സ​രി​ച്ചാ​ണ്.​ ​പൊ​ലീ​സ് ​എ​ൽ.​ഡി.​എ​ഫ് ​സ​ർ​ക്കാ​രി​ന് ​കീ​ഴി​ലാ​ണ്.​ ​ത​നി​ക്കെ​തി​രെ​ ​പ്ര​തി​ഷേ​ധി​ക്കു​ന്ന​ത് ​സ​ർ​ക്കാ​രി​ന്റെ​ ​ആ​ളു​ക​ളാ​ണ്.​ ​പി​ന്നെ​ ​എ​ന്തി​നാ​ണ് ​ഈ​ ​നാ​ട​ക​മെ​ന്നും​ ​ഗ​വ​ർ​ണ​ർ​ ​ചോ​ദി​ച്ചു.