തൊടുപുഴ: കേരള കർഷക തൊഴിലാളി ക്ഷേമനിധി ബോർഡിൽ അംഗങ്ങളായിട്ടുള്ളവരുടെ മക്കളിൽ 2023 ൽ ഉന്നത വിദ്യാഭ്യാസ പരീക്ഷകളിൽ ഉയർന്ന വിജയം കരസ്ഥമാക്കിയ വിദ്യാർത്ഥികൾക്കുള്ള ധനസഹായ അപേക്ഷ ക്ഷണിച്ചു. കേരള സർക്കാർ അല്ലെങ്കിൽ എയ്ഡഡ് വിദ്യാഭ്യാസ സ്ഥാപനങ്ങളിൽ പഠിച്ച ബിരുദം, പ്രൊഫഷണൽ ബിരുദം, ബിരുദാനന്തര ബിരുദം, പ്രൊഫഷണൽ ബിരുദാനന്തര ബിരുദം, ടി.ടി.സി, ഐ.ടി.ഐ. പോളിടെക്‌നിക് ജനറൽ നഴ്‌സിങ്, ബി.എഡ്, മെഡിക്കൽ ഡിപ്ലോമ എന്നീ പരീക്ഷകളിൽ ഉയർന്ന മാർക്കുവാങ്ങി വിജയിച്ച വിദ്യാർത്ഥികളുടെ രക്ഷിതാക്കളാണ് അപേക്ഷ സമർപ്പിക്കേണ്ടത്.

അപേക്ഷ ഫാറം www.agriworkersfund.org എന്ന വെബ്‌സൈറ്റിൽ നിന്നും ലഭ്യമാണ്. നിശ്ചിത ഫോറത്തിലുള്ള അപേക്ഷകൾ ജനുവരി 31 വരെ തതടിയമ്പാട് കർഷക തൊഴിലാളി ക്ഷേമനിധി ജില്ലാ ഓഫീസിൽ സ്വീകരിക്കും. സ്വയം സാക്ഷ്യപ്പെടുത്തിയ മാർക്ക് ലിസ്റ്റിന്റെ പകർപ്പ്, സർട്ടിഫിക്കറ്റിന്റെ സ്വയം സാക്ഷ്യപ്പെടുത്തിയ പകർപ്പ് , അംഗത്വ പാസ്സ് ബുക്കിന്റെ പകർപ്പ് ,ആധാർ കാർഡ്, ബാങ്ക് പാസ്സ് ബുക്ക്, റേഷൻകാർഡ് എന്നിവയുടെ പകർപ്പുകൾ, അപേക്ഷകൻ അല്ലെങ്കിൽ അപേക്ഷക കർഷകതൊഴിലാളിയാണെന്ന് തെളിയിക്കുന്ന യൂണിയന്റെ സാക്ഷ്യപത്രം എന്നിവ സമർപ്പിക്കണം. കൂടുതൽ വിവരങ്ങൾക്ക് ഫോൺ: 04862​235732