ഇടുക്കി: ജില്ലയിലെ വിവിധയിടങ്ങളിൽ ഭക്ഷ്യവസ്തുക്കൾ സൗജന്യമായി പരിശോധിക്കാൻ പൊതുജനങ്ങൾക്ക് അവസരം. ജില്ലയ്ക്ക് പുതുതായി അനുവദിച്ച മൊബൈൽ ഭക്ഷ്യപരിശോധനാ ലാബോറട്ടറി വാഹനത്തിന്റെ പര്യടനം പുതുവർഷ ദിനത്തിൽ തൊടുപുഴയിൽ നിന്ന് ആരംഭിച്ചു. ഭക്ഷ്യസുരക്ഷാവകുപ്പിന്റെ നേതൃത്വത്തിൽ ശനിയാഴ്ചവരെ തൊടുപുഴയിൽ പര്യടനം നടത്തി . ഇന്ന് മുതൽ 15 വരെ പീരുമേട് , 16 മുതൽ 20 വരെ ഉടുമ്പൻചോല , 22 മുതൽ 27 വരെ ഇടുക്കി , 29 മുതൽ 31 വരെ ദേവികുളം എന്നിവിടങ്ങളിൽ വാഹനം എത്തും . ഇവിടെ പൊതുജനങ്ങൾക്ക് ഭക്ഷ്യവസ്തുക്കൾ തികച്ചും സൗജന്യമായി പരിശോധനയ്ക്ക് വിധേയമാക്കാം. കൂടുതൽ വിവരങ്ങൾക്ക് ഫോൺ 04862 220066.