പീരുമേട് : കേരളത്തിലെ വനിതാ പ്രസ്ഥാനങ്ങൾക്ക് എസ്.എൻ.ഡി.പി.യോഗത്തിന്റെ വലിയ സംഭാവന ഉണ്ടായിട്ടുണ്ടന്നും ആദ്യത്തെ വനിതാ സമ്മേളനം ഡോ.പൽപ്പുവിന്റെ അമ്മയുടെ അദ്ധ്യക്ഷതയിലാണ് നടന്നതെന്നു പീരുമേട് യൂണിയൻ പ്രസിഡന്റ് ചെമ്പൻ കുളംഗോപി വൈദ്യർ പറഞു. അമ്മമാർ കെട്ടുതാലി വിറ്റും മക്കൾക്കു വിദ്യാഭ്യാസം നൽകണമെന്ന് തന്റെ കെട്ടുതാലി വിറ്റ് മകനെ പഠിപ്പിച്ച കാര്യം സൂചിപ്പിച്ചു കൊണ്ട് ആ അമ്മ നടത്തിയ അദ്ധ്യക്ഷ പ്രസംഗം പിന്നീട്‌കേരളീയ സമൂഹമാകെ ഏറ്റെടുത്തു സമ്പൂർണ്ണ സാക്ഷരതയിലെത്തുകയും ചെയ്തു.

എസ്.എൻ.ഡി. പി.യോഗം വനിതാ സംഘം പീരുമേട് യൂണിയൻ വാർഷിക സമ്മേളനം യൂണിയൻ ഹാളിൽ ഉദ്ഘാടനം ചെയ്തു കൊണ്ടു പ്രസംഗിക്കുകയായിരുന്നു അദ്ദേഹം.
വനിതാ സംഘംകേന്ദ്ര സമിതി പ്രസിഡന്റ് കെ.പി.കൃഷ്ണകുമാരി അദ്ധ്യക്ഷത വഹിച്ചു. യൂണിയൻ സെക്രട്ടറി കെ.പി. ബിനു മുഖ്യപ്രഭാഷണം നടത്തി. വനിതാ സംഘം യൂണിയൻ സെക്രട്ടറി ലതാ മുകുന്ദൻ റിപ്പോർട്ടും കണക്കും അവതരിപ്പിച്ചു. വനിതാ സംഘംകേന്ദ്ര കമ്മറ്റി അംഗം ഷൈലജാ രവീന്ദ്രൻ സംഘടനാ സന്ദേശംനൽകി. യൂണിയൻ വൈസ് പ്രസിഡന്റ് പി.കെ.രാജൻ ,നിയുക്തബോർഡുമെമ്പർ എൻ.ജി. സലികുമാർ, യൂണിയൻ കൗൺസിലർമാരായ പി.വി. സന്തോഷ്, പി.എസ്.ചന്ദ്രൻ, കെ.ഗോപി ,കെ.ആർ. സദൻ രാജൻ എന്നിവർ പ്രസംഗിച്ചു.