മുട്ടം: പോക്‌സോ കേസിൽ കദളിക്കാട് സ്വദേശി സിബിൻ ബെന്നിയെ (23) മുട്ടം പൊലീസ് അറസ്റ്റ് ചെയ്തു.2023 ജൂൺ മാസത്തിലാണ് കേസിന് ആസ്പദമായ സംഭവം. 17 വയസുകാരിയായ പെൺകുട്ടിയെ ഇയാൾ പീഡിപ്പിച്ചിരുന്നതായി പെൺകുട്ടിയുടെ മാതാവ് മുട്ടം സ്റ്റേഷനിൽ പരാതി നൽകിയിരുന്നു. ഇതേ തുടർന്നുള്ള അന്വേഷണത്തിന് ശേഷം ഇയാളെ തൊടുപുഴയിൽ നിന്നാണ് അറസ്റ്റ് ചെയ്തത്. മാതാപിതാക്കൾ പിരിഞ്ഞ് താമസിക്കുന്ന പെൺകുട്ടി മാതാവിന്റെ സംരക്ഷണത്തിലാണ് കഴിയുന്നത്. വിദേശത്തായിരുന്ന മാതാവ് നാട്ടിലെത്താൻ വൈകിയതാണ് പരാതി നൽകാൻ താമസിച്ചത്. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.