ഇടുക്കി: ദേശീയ ഉപഭോക്തൃ അവകാശദിനത്തോടനുബന്ധിച്ച് ഭക്ഷ്യപൊതുവിതരണ വകുപ്പിന്റെ നേതൃത്വത്തിൽ ഹൈസ്​കൂൾ വിദ്യാർത്ഥികൾക്കായി ഉപന്യാസ മത്സരം സംഘടിപ്പിക്കുന്നു. നാളെ 10 ന് ഉച്ചയ്ക്ക് 12 മുതൽ പഴയരിക്കണ്ടം സർക്കാർ ഹൈസ്​കൂളിൽ 'ഇ കൊമേഴ്‌സിന്റെയും, ഡിജിറ്റൽ വ്യാപാരത്തിന്റെയും കാലഘട്ടത്തിലെ ഉപഭോക്തൃസംരക്ഷണം' എന്ന വിഷയത്തെ അടിസ്ഥാനമാക്കിയാണ് ഉപന്യാസമത്സരം. പങ്കെടുക്കാൻ താൽപര്യമുള്ള വിദ്യാർത്ഥികൾ സ്ഥാപനം നൽകിയിട്ടുള്ള തിരിച്ചറിയൽ കാർഡ് സഹിതം രജിസ്‌ട്രേഷൻ കൗണ്ടറിൽ രാവിലെ 10.30 ന് എത്തിച്ചേരണം. ആദ്യത്തെ 3 സ്ഥാനങ്ങൾ നേടുന്ന വിജയികൾക്ക് യഥാക്രമം 2001രൂപ, 1001 രൂപ, 501 രൂപ എന്നിങ്ങനെ ക്യാഷ് പ്രൈസും സർട്ടിഫിക്കറ്റുകളും വിതരണം ചെയ്യും.