ചെറുതോണി: കേരള നോളെജ് ഇക്കോണമി മിഷന്റെ ജില്ലയിലെ കമ്മ്യൂണിറ്റി അംബാസിഡർമാർക്ക് ഏകദിന ശിൽപശാല നടത്തി .നോളെജ് ഇക്കോണമി മിഷൻ ഡയറക്ടർ ഡോ. പി എസ് ശ്രീകല സംബന്ധിച്ചു.
കേരള നോളെജ് ഇക്കോണമി മിഷന്റെയും കുടുംബശ്രീയുടെയും നേതൃത്വത്തിൽ സംഘടിപ്പിച്ച പരിപാടിയിൽ വിവിധ പഞ്ചായത്തുകളിൽ നിന്ന് 37 കമ്മ്യൂണിറ്റി അംബാസിഡർമാർ പങ്കെടുത്തു. കമ്യൂണിറ്റി അംബാഡിസർമാരാണ് ജില്ലയിൽ നോളെജ് മിഷൻ പ്രവർത്തനങ്ങൾ ഏറ്റെടുത്ത് നടപ്പാക്കുന്നത്. തൊഴിലന്വേഷകരെ രജിസ്റ്റർ ചെയ്യാൻ സഹായിക്കുന്നതും തൊഴിലന്വേഷകരുമായി ആശയവിനിമയം നടത്തുന്നതും ഇവരാണ്.
പരിപാടിയിൽ നോളെജ് ഇക്കോണമി മിഷൻ ജില്ലാ പ്രോജക്ട് മാനേജർ ലിന്റു മരിയ സ്വാഗതം പറഞ്ഞു. കുടുംബശ്രീ അസിസ്റ്റന്റ് ജില്ലാ മിഷൻ കോർഡിനേറ്റർ ആശ ബെന്നി, നോളെജ് ഇക്കോണമി മിഷൻ സ്റ്റേറ്റ് അസി. പ്രോഗ്രാം മാനേജർ അപ്പു ബി .സി , റീജിയണൽ പ്രോഗ്രാം മാനേജർ അനൂപ് പ്രകാശ് എ .ബി, നീതു സത്യൻ, പ്രോഗ്രാം മാനേജർ അരുൺ ജി പി, മീഡിയ കോർഡിനേറ്റർ ഇ .പി ഷൈമി, എക്‌സിക്യൂട്ടീവ് സെക്രട്ടറി അഞ്ജു മേരി ജോസഫ്, പ്രോഗ്രാം സപ്പോർട്ട് എക്‌സിക്യൂട്ടീവ് ആഷ്മി സ്റ്റാൻലി എന്നിവർ പങ്കെടുത്തു.