മുട്ടം: മുട്ടംജില്ലാ ഹോമിയോപ്പതി ആശുപത്രിയിൽ നടപ്പിലാക്കുന്ന ഡിജിറ്റലൈസേഷൻ പദ്ധതിയുടെ ഉദ്ഘാടനം തിങ്കളാഴ്ച രാവിലെ 11ന് ജില്ലാ പഞ്ചായത്ത് പ്രസിഡന്റ് കെ.ടി. ബിനു നിർവ്വഹിക്കും. വൈസ് പ്രസിഡന്റ് ആശ ആന്റണി അദ്ധ്യക്ഷത വഹിക്കും. ആരോഗ്യ- വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ വി.എൻ. മോഹൻ മുഖ്യപ്രഭാഷണം നടത്തും. ജില്ലാ പഞ്ചായത്തംഗം സി.വി. സുനിത, മുട്ടം പഞ്ചായത്ത് പ്രസിഡന്റ് ഷേർളി അഗസ്റ്റിൻ, കെ.ജി. സത്യൻ, ഇന്ദു സുധാകരൻ, എം.ജെ. ജേക്കബ്, മേഴ്‌സി ദേവസ്യ, ഡോളി രാജു, ഡി.എം.ഒ ഡോ. വിനീത ആർ. പുഷ്‌കരൻ,സൂപ്രണ്ട് ഡോ. ബിജു പി.ജി എന്നിവർ സംസാരിക്കും.