തൊടുപുഴ: ജില്ലാ ആശുപത്രിയിൽ ദിവസവേതന വ്യവസ്ഥയിൽ നിരവധി ഒഴിവുകളിലേക്ക് അപേക്ഷ ക്ഷണിച്ചു. ലാബ്‌ ടെക്‌നീഷ്യൻ തസ്തികയിലെ ഒരു പ്രതീക്ഷിത ഒഴിവിലേക്ക് സർക്കാർ സ്ഥാപനങ്ങളിൽ നിന്നോ അംഗീകൃത സർവകലാശാലകളിൽ നിന്നോ ബി.എസ്.സി എം.എൽ.ടി, ഡി.എം.എൽ.ടി. (ഡി.എം.ഇ സർട്ടിഫിക്കറ്റ്) ഉള്ളവർക്ക് അപേക്ഷിക്കാം. പാരാമെഡിക്കൽ കൗൺസിൽ രജിസ്‌ട്രേഷൻ ഉണ്ടാകണം. പ്രായപരിധി 35 വയസിൽ താഴെ. പ്രവർത്തി പരിചയം ഉള്ളവർക്ക് മുൻഗണന. നിലവിലുള്ള റേഡിയോഗ്രാഫർ തസ്തികയിലേക്ക് സർക്കാർ സ്ഥാപനങ്ങളിൽ നിന്നോ അംഗീകൃത സർവകലാശാലകളിൽ നിന്നോ രണ്ട് വർഷ റെഗുലർ ഡിപ്ലോമ ഇൻ റേഡിയോളോജിക്കൽ ടെക്‌നിഷ്യൻ പാസായവർക്ക് അപേക്ഷിക്കാം. പാരാമെഡിക്കൽ കൗൺസിൽ രജിസ്‌ട്രേഷൻ ഉണ്ടാകണം. പ്രായപരിധി 35 വയസിൽ താഴെ. ഒരുവർഷത്തെ പ്രവൃത്തി പരിചയം അഭികാമ്യം.
സ്റ്റാഫ് നഴ്‌സ് തസ്തികയിലേക്ക് ഡയാലിസിസിൽ പരിചയമുള്ളവർക്ക് അപേക്ഷിക്കാം. നിലവിൽ ഒരു ഒഴിവാണുള്ളത്. സർക്കാർ സ്ഥാപനങ്ങളിൽ നിന്നോ അംഗീകൃത സർവകലാശാലകളിൽ നിന്നോ ബി.എസ്.സി/ ജി.എൻ.എം പാസായവർക്ക് അപേക്ഷിക്കാം. കേരള നഴ്‌സിംഗ് കൗൺസിൽ രജിസ്‌ട്രേഷൻ ഉണ്ടാകണം. പ്രായപരിധി 35വയസിൽ താഴെ.
നിലവിൽ ഒഴിവുള്ള ഫിസിയോതെറാപ്പിസ്റ്റ് തസ്തികയിലേക്ക് സർക്കാർ സ്ഥാപനങ്ങളിൽ നിന്നോ അംഗീകൃത സർവകലാശാലകളിൽ നിന്നോ ഫിസിയോതെറാപ്പിയിൽ ബിരുദം/ ബിരുദാനന്തര ബിരുദം നേടിയവർക്ക് അപേക്ഷിക്കാം. പ്രായപരിധി 35 വയസിൽ താഴെ. പ്രവൃത്തി പരിചയമുള്ളവർക്ക് മുൻഗണന, താത്പര്യമുള്ള ഉദ്യോഗാർത്ഥികൾ വിലാസം, യോഗ്യത, പ്രവൃത്തി പരിചയം എന്നിവ തെളിയിക്കുന്ന സർട്ടിഫിക്കറ്റുകളുടെ ഒറിജിനലും പകർപ്പും സഹിതം വാക് ഇൻ ഇന്റർവ്യൂവിന് എത്തണം. തൊടുപുഴ ജില്ലാ ആശുപത്രി കോൺഫറൻസ് ഹാളിൽ 19ന് രാവിലെ 10നാണ് അഭിമുഖം. കൂടുതൽ വിവരങ്ങൾക്ക് 04862 222630.