കോടിക്കുളം:അഞ്ചക്കുളം മഹാദേവീ ക്ഷേത്ര ദേവസ്വം ട്രസ്റ്റും ഭരണസമിതിയും വിശ്വാസി സമൂഹവും ചേർന്ന് വിലയ്ക്കുവാങ്ങിയ 55 സെന്റ് ഭൂമി ദേവിക്ക് സമർപ്പിക്കുന്ന ചടങ്ങ് നാളെ നടക്കും. രാവിലെ 9 മുതൽ ക്ഷേത്രാങ്കണത്തിൽ നിന്നും ക്ഷേത്രം ആചാര്യൻ ചേർത്തല സുമിത് തന്ത്രികളുടെ കാർമികത്വത്തിൽ നാമജപഘോഷയാത്രയും, വാങ്ങിയ ഭൂമിയിൽ ഭൂമിപൂജ തുടർന്ന് ക്ഷേത്രാങ്കണത്തിൽ ആദ്യ വെള്ളി ആചരണം മഹാകാര്യസിദ്ധിപൂജ
പൊതുസമ്മേളനം എന്നിവ നടക്കും. സമ്മേളനം അഡ്വ.ഡീൻ കുര്യാക്കോസ് എം.പി.ഉദ്ഘാടനം ചെയ്യും.അഞ്ചക്കുളം ദേവസ്വം ട്രസ്റ്റ് പ്രസിഡന്റ് ജയൻ കുന്നുംപുറത്ത്
അദ്ധ്യക്ഷത വഹിക്കും.കോടിക്കുളം ഗ്രാമപഞ്ചായത്ത് പ്രസിഡന്റ് സുരേഷ് ബാബു മുഖ്യപ്രഭാഷണം നടത്തും. കലണ്ടർ പ്രകാശനം, പ്രതിഭകളെ ആദരിക്കൽ എന്നിവയും പരിപാടിയുടെ ഭാഗമായി നടക്കും.