ഇടുക്കി: 2022-23 സാമ്പത്തിക വർഷത്തെ ക്ഷീരസഹകാരി അവാർഡുകൾക്ക് അപേക്ഷ ക്ഷണിച്ചു. പ്രവർത്തനമികവിന്റെ അടിസ്ഥാനത്തിൽ ക്ഷീരകർഷകർക്ക് സംസ്ഥാനം, മേഖല, ജില്ല തലങ്ങളിൽ ജനറൽ, വനിത, എസ്.സി, എസ്.ടി എന്നീ വിഭാഗങ്ങളിൽ ക്ഷീരസഹകാരി അവാർഡ് നൽകും. തെരഞ്ഞെടുക്കപ്പെടുന്ന 52 ക്ഷീരകർഷകർക്ക് ബഹുമതി പത്രവും ക്യാഷ് അവാർഡും ലഭിക്കും. ഏറ്റവും മികച്ച ആപ്‌കോസ് അല്ലെങ്കിൽ നോൺ ആപ്‌കോസ് ക്ഷീരസംഘങ്ങളെ ഡോ.വർഗീസ് കുര്യൻ അവാർഡിനും തെരെഞ്ഞെടുക്കും. അവാർഡിന് അപേക്ഷിക്കാനും കൂടുതൽ വിവരങ്ങൾ അറിയാനും ബ്ലോക്ക് അടിസ്ഥാനത്തിൽ പ്രവർത്തിക്കുന്ന ക്ഷീരവികസന യൂണിറ്റുമായി ബന്ധപ്പെടാം. തെരെഞ്ഞെടുക്കപ്പെടുന്നവർക്ക് ഫെബ്രുവരി 16, 17 തീയതികളിൽ അണക്കരയിൽ നടക്കുന്ന സംസ്ഥാന ക്ഷീരകർഷക സംഗമംപടവ് 2024 ന്റെ വേദിയിൽ വെച്ച് അവാർഡുകൾ വിതരണം ചെയ്യും.