തൊടുപുഴ: ആരോഗ്യ പ്രവർത്തകർക്ക് സംതൃപ്തമായ തൊഴിൽ അന്തരീക്ഷം ഉറപ്പ് വരുത്താൻ സർക്കാർ പ്രതിജ്ഞാബദ്ധമാണെന്ന് മന്ത്രി വീണാ ജോർജ്. കേരള ഗവൺമെന്റ് മെഡിക്കൽ ഓഫിസേഴ്‌സ് അസോസിയേഷൻ 57 ാം വാർഷിക സമ്മേളനം ചിന്നക്കനാൽ കൺവെൻഷൻ സെന്ററിൽ ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി. സങ്കീർണമായ ഓപ്പൺ ഹാർട്ട് സർജറി, വൃക്ക മാറ്റിവയ്ക്കൽ ശസ്ത്രക്രിയ തുടങ്ങിയവയ്ക്ക് ഹെൽത്ത് സർവീസ് ഡിപ്പാർട്ട്‌മെന്റിന് കീഴിലുള്ള ആശുപത്രികളിലും തുടക്കം കുറിക്കാൻ സാധിച്ചത് സർക്കാർ കൈവരിച്ച അഭിമാനാർഹമായ നേട്ടമാണെന്ന് മന്ത്രി പറഞ്ഞു.

കെ.ജി.എം.ഒ.എ സംസ്ഥാന പ്രസിഡന്റ് ഡോ. ടി.എൻ. സരേഷ് അദ്ധ്യക്ഷത വഹിച്ച യോഗത്തിൽ ആരോഗ്യ വകുപ്പ് ഡയറക്ടർ ഡോ.റീന കെ.ജെ. മുഖ്യാതിഥിയായി. സംസ്ഥാന സെക്രട്ടറി ഡോ. സുനിൽ പി.കെ, ട്രഷറർ ഡോ.ജോബിൻ ജി.ജോസഫ്, ഡോ.റീന.എൻ.ആർ, മുൻ സംസ്ഥാന പ്രസിഡന്റ് ഡോ.ജി.എസ്.വിജയകൃഷ്ണൻ, ജനറൽ കൺവീനർ ഡോ.അൻസൽ നബി സംസാരിച്ചുകേരളത്തിന്റെ വിവിധ ഭാഗങ്ങളിൽ നിന്നുള്ള ആയിരത്തിൽപരം സർക്കാർ ഡോക്ടർമാർ പങ്കെടുക്കുന്ന സമ്മേളനം ഇന്ന് സമാപിക്കും.