ഇടുക്കി: ടോപ് ക്ലാസ് സ്‌കൂൾ എജ്യുക്കേഷൻ ഫോർ ഒ.ബി.സി, ഇ.ബി.സി, ഡി.എൻ.ടി പദ്ധതിയിൽ സ്‌കോളർഷിപ്പ് അപേക്ഷകൾ സമർപ്പിക്കുന്നതിനുള്ള അവസാന തീയതി ജനുവരി 31 വരെ നീട്ടി. സംസ്ഥാനത്തെ ടോപ് ക്ലാസ് സ്‌കൂളുകളുടെ പട്ടികയിൽ ഉൾപ്പെട്ട വിദ്യാലയങ്ങളിൽ 9,11 ക്ലാസ്സുകളിൽ പഠിക്കുന്ന ഒ.ബി.സി. അല്ലെങ്കിൽ ഇ.ബി.സി. വിഭാഗം വിദ്യാർത്ഥികൾക്ക് സ്‌കോളർഷിപ്പ് അനുവദിക്കുന്ന കേന്ദ്രാവിഷ്‌കൃത പദ്ധതിയാണിത്. അപേക്ഷകൾ ബന്ധപ്പെട്ട സ്‌കൂളുകളിൽ പരിശോധിക്കുന്നതിനും അപേക്ഷകളിലെ ന്യൂനതകൾ പരിഹരിച്ച് സമർപ്പിക്കുന്നതിനുള്ള അവസാന തീയതി ഫെബ്രുവരി 15, അപേക്ഷകൾ ജില്ലാ തലത്തിൽ പരിശോധിക്കുന്നതിനുള്ള അവസാന തീയതി ഫെബ്രുവരി 26 എന്നിങ്ങനെയും ദീർഘിപ്പിച്ചു. കൂടുതൽ വിവരങ്ങൾക്ക് https://scholarships.gov.in/ എന്ന വെബ് പോർട്ടൽ സന്ദർശിക്കാം.