തൊടുപുഴ: എസ്.എൻ.ഡി.പി യോഗം തൊടുപുഴ യൂണിയന് കീഴിലുള്ള വെങ്ങല്ലൂർ ചെറായിക്കൽ ശ്രീ സുബ്രഹ്മണ്യസ്വാമി ക്ഷേത്രത്തിൽ തൈപ്പൂയ മഹോത്സവവും ഗുരുദേവ പ്രതിഷ്ഠാ വാർഷികത്തിനോടുമനുബന്ധിച്ച് ഇന്ന് താലപ്പൊലി ഘോഷയാത്ര നടക്കും. വൈകിട്ട് അഞ്ചിന് മുല്ലക്കൽ ക്ഷേത്ര സന്നിധിയിൽ നിന്ന് തൊടുപുഴ ടൗൺ, കാഞ്ഞിരമറ്റം, കോലാനി, ചിറ്റൂർ, അരിക്കുഴ, കുമാരമംഗലം, നാഗപ്പുഴ, തൊടുപുഴ ഈസ്റ്റ് ശാഖകളുടെ സംയുക്താഭിമുഖ്യത്തിൽ വർണ്ണാഭമായ ഘോഷയാത്ര ക്ഷേത്ര സന്നിധിയിൽ എത്തിച്ചേരും. ഇന്ന് രാവിലെ പതിവ് പൂജകൾ, 10ന് വിശേഷാൽ സുബ്രഹ്മണ്യപൂജ, വൈകിട്ട് അഞ്ചിന് താലപ്പൊലി ഘോഷയാത്ര. വൈകിട്ട് 5.30ന് നടതുറക്കൽ, 5.40ന് ഭഗവതി സേവ, ലളിതസഹസ്ര നാമാർച്ചന, 7ന് മുഴുക്കാപ്പ് ചാർത്തി വിശേഷാൽ ദീപാരാധന, 7.30ന് അത്താഴപൂജ, എട്ടിന് ഭരതനാട്യം, മോഹിനിയാട്ടം, തുടർന്ന് പ്രസാദഊട്ട്.