രാജാക്കാട്: വിറക് മുറിക്കുന്നതിനിടെ യന്ത്ര വാൾ കഴുത്തിൽക്കൊണ്ട് യുവാവ് മരിച്ചു. പൂപ്പാറ മൂലത്തറ കോളനി സ്വദേശി വിഘ്‌നേഷാണ് (24)​ മരിച്ചത്. പൂപ്പാറയിലെ ഏലം സ്റ്റോറിൽ യന്ത്ര വാൾ ഉപയോഗിച്ച് വിറക് മുറിച്ചു കൊണ്ടിരുന്നപ്പോഴായിരുന്നു അപകടം. ദിശതെറ്റിയ വാൾ വിഘ്‌നേശിന്റെ കഴുത്തിൽ പതിക്കുകയാണുണ്ടായത്. ഗുരുതരമായി പരിക്കേറ്റ് തേനി മെഡിക്കൽ കോളേജിലേക്ക് കൊണ്ടുപോയെങ്കിലും മരിക്കുകയായിരുന്നു. ബോഡിനായ്ക്കന്നൂരിലെ പൊതുശ്മശാനത്തിൽ മൃതദേഹം സംസ്‌കരിച്ചു. പരേതനായ അയ്യപ്പന്റെയും മല്ലികയുടെയും മകനാണ്.