ചെറുതോണി: ജില്ലാ ഭരണകൂടത്തിന്റെയും ഇടുക്കി ജില്ലാ സ്‌പോർട്‌സ് കൗൺസിലിന്റെയും ആഭിമുഖ്യത്തിൽ ചെറുതോണിയിൽ സംഘടിപ്പിച്ച കെ വാക്ക് കളക്ടർ ഷീബാ ജോർജ് ഫാളാഗ് ഓഫ് ചെയ്തു.

സംസ്ഥാനത്തിന്റെ കായികരംഗത്ത് സമാനതകളില്ലാത്ത ആഗോളപങ്കാളിത്തവും നിക്ഷേപവും വികേന്ദ്രീക്യത പദ്ധതി ആസൂത്രണവുമാണ് ഇതിലൂടെ ലക്ഷ്യം വെയ്ക്കുന്നത്. ജില്ലയിലെ മുഴുവൻ ഗ്രാമപഞ്ചായത്തുകളുടെ നേത്യത്വത്തിലും പ്രാദേശികമായി നിശ്ചിത ദൂരം നിശ്ചിത സമയത്തിനുളളിൽ കെ വാക്ക് നടത്തി.

പരിപാടിയിൽ ഇടുക്കി ബ്ലോക്ക്​ പഞ്ചായത്ത്​ പ്രസിഡന്റ് രാജി ചന്ദ്രൻ, ജില്ലാ പൊലീസ് മേധാവി വിഷ്ണു പ്രദീപ് , സബ് കളക്ടർ ഡോ അരുൺ എസ്. നായർ, വാഴത്തോപ്പ് പഞ്ചായത്ത്​ വൈസ് പ്രസിഡന്റ്​ മിനി ജേക്കബ്, പഞ്ചായത്ത്​ അംഗങ്ങളായ പ്രഭ തങ്കച്ചൻ, നൗഷാദ് ടി, രാജു ജോസഫ്, ഇടുക്കി ജില്ലാ സ്‌പോർട്‌സ് കൗൺസിൽ പ്രസിഡന്റ് റോമിയോ സെബാസ്റ്റ്യൻ, കായിക അസ്സോസിയേഷൻ ഭാരവാഹികൾ, കായികതാരങ്ങൾ, ജനപ്രതിനിധികൾ, സ്‌കൂൾ വിദ്യാർത്ഥികൾ, യുവജനസംഘടനാപ്രവർത്തകർ, വ്യാപാരവ്യവസായ മേഖലയിലെ പ്രതിനിധികൾ തുടങ്ങി രാഷ്ട്രീയ സാമൂഹ്യ രംഗത്തെ പ്രമുഖർ കെ വാക്കിൽ പങ്കെടുത്തു.