ഇടുക്കി: കൂട്ടിക്കാനത്ത് പ്രവർത്തിക്കുന്ന പീരുമേട് ഗവ. മോഡൽ റസിഡൻഷ്യൽ സ്‌കൂളിൽ തമിഴ് മീഡിയം 2024 -25 അദ്ധ്യായന വർഷം അഞ്ചാം ക്ലാസ്സിലേക്ക് പ്രവേശനത്തിനായി പട്ടികജാതി, മറ്റിതര സമുദായത്തിൽപ്പെട്ട വിദ്യാർത്ഥികളിൽ നിന്നും അപേക്ഷ ക്ഷണിച്ചു. ആകെയുള 40 സീറ്റിൽ 10 ശതമാനം പിന്നോക്ക വിഭാഗക്കാർക്കായി സംവരണം ചെയ്തിരിക്കുന്നു. അപേക്ഷകർ തമിഴ് മീഡിയം സ്‌കൂളിൽ പഠിക്കുന്നവരും, അപേക്ഷകരുടെ കുടുംബ വാർഷിക വരുമാനം 200000 രൂപയോ അതിൽ താഴെയോ ആയിരിക്കണം.

ജാതി, കുടുംബ വാർഷിക വരുമാനം എന്നിവ തെളിയിക്കുന്ന സർട്ടിഫിക്കറ്റുകളുടെ സാക്ഷ്യപ്പെടുത്തിയ പകർപ്പുകളും, ഇപ്പോൾ പഠിച്ചുകൊണ്ടിരിക്കുന്ന ക്ലാസ്സും ജനനത്തീയതിയും തെളിയിക്കുന്നതിന് സ്‌കൂൾ ഹെഡ്മാസ്റ്റർ നൽകുന്ന സാക്ഷ്യപത്രവും ഹാജരാക്കണം.

ജില്ലാ വിദ്യാഭ്യാസ ഓഫീസർ നടത്തുന്ന എഴുത്തു പരീക്ഷയുടെ അടിസ്ഥാനത്തിൽ തയ്യാറാക്കുന്ന റാങ്ക് ലിസ്റ്റ് പ്രകാരമാണ് പ്രവേശനം. അപേക്ഷാഫോമിന്റെ മാതൃക ബ്ലോക്ക് പട്ടികജാതി വികസന ഓഫീസുകൾ, സർക്കാർ എം.ആർ.എസ് പീരുമേട് എന്നിവടങ്ങളിൽ നിന്നും ലഭിക്കുന്നതാണ്.ഫെബ്രുവരി 29 വൈകുന്നേരം 5ന് മുമ്പായി ഹെഡ്മാസ്റ്റർ, സർക്കാർ എം.ആർ.എസ്. പീരുമേട്, കുട്ടിക്കാനം പി.ഒ, 685531 എന്ന വിലാസത്തിൽ അപേക്ഷ സമർപ്പിക്കേണ്ടതാണ്. ഫോൺ: 9446050102, 9446507995