നെടുങ്കണ്ടം: ബ്ലോക്ക് പഞ്ചായത്തിന്റെ വാർഷിക പദ്ധതിയിൽപ്പെടുത്തി കേൾവി പരിമിതി ഉള്ളവർക്കായുള്ള ശ്രവണസഹായി വിതരണ ഉദ്ഘാടനം ബ്ലോക്ക് പഞ്ചായത്ത് പ്രസിഡന്റ് കെ. റ്റി കുഞ്ഞ് നിർവ്വഹിച്ചു. വൈസ് പ്രസിഡന്റ് ശ്രീദേവി എസ് ലാൽ അദ്ധ്യക്ഷത വഹിച്ചു. കേൾവി പരിമിതിയുള്ള ഭിന്നശേഷിക്കാരെയാണ് ഈ പദ്ധതിയിൽ ഉൾപ്പെടുത്തിരിക്കുന്നത്. നെടുംകണ്ടം ബ്ലോക്ക് പഞ്ചായത്ത് പരിധിയിലെ ഏഴ് പഞ്ചായത്തുകളിലായി 42 ഗുണഭോക്താക്കൾക്കാണ് ഉപകരണങ്ങൾ വിതരണം ചെയ്തത്.
ക്ഷേമകാര്യ സ്റ്റാന്റിംഗ് കമ്മറ്റി ചെയർമാൻ സി എം കുര്യാക്കോസ്, ശിശുവികസന പദ്ധതി ഓഫീസർ ജോളി കെ പി, സ്റ്റാന്റിംഗ് കമ്മറ്റി ചെയർമാൻമാരായ പി. എ ജോണി, വിജയകുമാരി എസ് ബാബു, ഡിവിഷൻ അംഗങ്ങളായ കെ. ജെ സിജു, കെ. റ്റി വർഗ്ഗീസ്, വനജാകുമാരി, റാണി തോമസ് തുടങ്ങിയവർ പങ്കെടുത്തു.