ഇടുക്കി: മിൽമ എറണാകുളം മേഖലാ യൂണിയൻ ഫെബ്രുവരി ഒന്ന് മുതൽമാർച്ച് 31 വരെ സംഭരിക്കുന്ന പാലിന് ഏഴ് രൂപ പ്രോത്സാഹന അധികവില നൽകാൻ തീരുമാനിച്ചതിന്റെ ഭാഗമായി ഇടുക്കി ജില്ലയിൽ നാലര കോടിരൂപ വിതരണംചെയ്യുമെന്ന് ചെയർമാൻ എം ടി ജയൻ അറിയിച്ചു.
ഇടുക്കി ജില്ലയിലെ 200 ൽ പരം വരുന്ന ക്ഷീരസംഘങ്ങളിൽ നിന്നും മിൽമ സംഭരിക്കുന്നത് ഏകദേശം ഒരു ലക്ഷംലിറ്റർ പാലാണ്. ഫെബ്രുവരി ഒന്ന് മുതൽ സംഭരിക്കുന്ന ഓരോ ലിറ്റർ പാലിനും കർഷകർക്ക് അഞ്ച് രൂപയും സംഘത്തിന് രണ്ട് രൂപയും എന്ന നിലയിൽ ഏഴ് രൂപയാണ് പ്രോത്സാഹന വിലയായി നൽകുന്നത്. ക്
ഇന്ത്യയിൽ ആദ്യമായി എറണാകുളം മേഖലാ യൂണിയൻ നടപ്പാക്കുന്ന സമ്പൂർണ്ണ കന്നുകാലി സമഗ്ര ഇൻഷൂറൻസ് പദ്ധതിയും അതിനോടനുബന്ധിച്ചുള്ള മെഡിക്കൽ ക്യാമ്പും, ടെലിമെഡിസിനും വ്യാപകമായ തോതിൽ ഇടുക്കി ജില്ലയിലെ സംഘങ്ങളിൽ സംഘടിപ്പിച്ചു വരികയാണ്. കൂടാതെ ഉൽപ്പാദന ഉപാധികൾ ഉൾപ്പെടെ സംഘങ്ങൾക്കും, കർഷകർക്കും സബ്‌സിഡിയോടു കൂടിയുള്ള വിവിധ പദ്ധതികൾ തുടരുന്നുണ്ടെന്നും, മേഖലായൂണിയന്റെ ഈ വർഷത്തെ പ്രവർത്തന ലാഭത്തിൽ നിന്നും ഇടുക്കി,കോട്ടയം,എറണാകുളം,തൃശൂർ ജില്ലകളിലായി ആയിരത്തിൽപ്പരം വരുന്ന പ്രാഥമിക ക്ഷീരസംഘങ്ങളിലെ കർഷകർക്കും സംഘങ്ങൾക്കുമായി ഏകദേശം 25 കോടിയിൽപ്പരം രൂപ ചിലവഴിക്കുമെന്നും എം.ടി.ജയൻ അറിയിച്ചു.