മട്ടന്നൂർ: നഗരസഭയുടെ 2024-25 വാർഷിക പദ്ധതി രൂപീകരണ വികസന സെമിനാർ മധുസൂദനൻ തങ്ങൾ സ്മാരക ഗവ. യു.പി സ്‌കൂളിൽ കെ.കെ ശൈലജ എം.എൽ.എ ഉദ്ഘാടനം ചെയ്തു. ചെയർമാൻ എൻ. ഷാജിത്ത് അദ്ധ്യക്ഷനായി. വാർഷിക പദ്ധതി വികസന പരിപ്രേഷ്യം ആസൂത്രണ സമിതി വൈസ് ചെയർമാൻ പി.കെ ഗോവിന്ദൻ അവതരിപ്പിച്ചു. വികസനകാര്യ സ്ഥിരംസമിതി ചെയർമാൻ പി. ശ്രീനാഥ് കരട് രേഖ അവതരിപ്പിച്ചു. വൈസ് ചെയർമാൻ ഒ. പ്രീത, മുൻ ചെയർമാന്മാരായ കെ.ടി ചന്ദ്രൻ, കെ. ഭാസ്‌കരൻ, അനിത വേണു, സ്ഥിരംസമിതി ചെയർമാന്മാരായ വി.കെ സുഗതൻ, പി. പ്രസീന, പി. അനിത, കെ. മജീദ്, കൗൺസിലർ പി. രാഘവൻ, പി.പി ശിവപ്രസാദ് എന്നിവർ സംസാരിച്ചു. നഗരസഭാ സെക്രട്ടറി എസ്. വിനോദ് കുമാർ സ്വാഗതം പറഞ്ഞു. ആസൂത്രണ സമിതിയംഗം എം. ദിവാകരൻ ക്രോഡീകരണം നടത്തി.