കണ്ണൂർ: ചലച്ചിത്രമേഖലയിലെ സമഗ്ര സംഭാവനയ്ക്ക് നടൻ ഉണ്ണികൃഷ്ണൻ നമ്പൂതിരിയുടെ ഓർമ്മയ്ക്കായി ഏർപ്പെടുത്തിയ പുരസ്‌കാരം നടൻ മധുവിന്. 50001 രൂപയും പ്രശസ്തിപത്രവും ഉൾപ്പെടുന്ന പുരസ്‌കാരം ഉണ്ണികൃഷ്ണൻ നമ്പൂതിരിയുടെ മൂന്നാം ചരമവാർഷികാചരണത്തോടനുബന്ധിച്ച് ജനുവരി അവസാന വാരം നടൻ മധുവിന്റെ തിരുവനന്തപുരത്തെ വസതിയിൽ സ്പീക്കർ അഡ്വ. എ.എൻ. ഷംസീർ കൈമാറും. ജയരാജ്, കൈതപ്രം ദാമോദരൻ നമ്പൂതിരി, മനോജ് കാന, സുരേഷ് പൊതുവാൾ എന്നിവരടങ്ങിയ ജൂറിയാണ് പുരസ്‌കാരം നിർണയിച്ചത്. വാർത്താസമ്മേളനത്തിൽ കൈതപ്രം ദാമോദരൻ നമ്പൂതിരി, ടി.ഐ.മധുസൂദനൻ,ടി.വി.രാജേഷ്, പി .സന്തോഷ്, പി.വി.ഭവദാസൻ നമ്പൂതിരി എന്നിവർ പങ്കെടുത്തു.