പാലക്കുന്ന് : ബാര മഞ്ഞളത്ത് കുറുംബ ഭഗവതി ക്ഷേത്രത്തിൽ അനുജ്ഞാകലശവും പ്രതിഷ്ഠാദിന ഉത്സവവും നാളെ മുതൽ 21 വരെ നടക്കും. നാളെ രാവിലെ 8.30ന് ആചാര്യ വരവേൽപ്പ്.ഒൻപതിന് ഉച്ചില്ലം കെ. യു. പദ്മനാഭ തന്ത്രിയുടെ കാർമ്മികത്വത്തിൽ അനുജ്ഞാകലശം.20ന് വൈകിട്ട് 3.30ന് പാലക്കുന്ന് കഴകം ഭഗവതി ക്ഷേത്ര സ്ഥാനികരുടെ കാർമ്മികത്വത്തിൽ പ്രതിഷ്ഠാദിന വാർഷിക ഉത്സവാരംഭം. രാത്രി 8ന് വിഷ്ണുമൂർത്തി, പടിഞ്ഞാറ്റ ചാമുണ്ഡി തെയ്യങ്ങളുടെ തിടങ്ങൽ.തുടർന്ന് ക്ഷേത്ര മാതൃസമിതിയുടെ തിരുവാതിരകളി, പാക്കം കെ. വി. ആർ, ബാര മുക്കുന്നോത്ത് കാവ് ഭഗവതി ക്ഷേത്ര പ്രാദേശിക സമിതി എന്നിവരുടെ കൈകൊട്ടികളി, മൊട്ടമ്മൽ റിഥത്തിന്റെ സെമി ക്ലാസിക്കൽ ഡാൻസ്.21ന് രാവിലെ 11ന് വിഷ്ണു മൂർത്തിയുടെയും പടിഞ്ഞാറ്റ ചാമുണ്ഡിയുടെയും പുറപ്പാട്. ഉച്ചക്ക് അന്നദാനത്തിന് ശേഷം വിളക്കിലരിയോടെ സമാപനം.