കാസർകോട്: ഐ.എം.എ കാസർകോട് ബ്രാഞ്ചിന്റെ ആഭിമുഖ്യത്തിൽ ഐ.എ.പി ബ്രാഞ്ച്, വിമ ബ്രാഞ്ച്, കിണ്ടർ മൈക്രോബയോളജി സർവീസസ് എന്നിവയുടെ സഹകരണത്തോടെ ഡോക്ടർമാർക്കുള്ള ശില്പശാലയും വിവിധ ക്ലാസ്സുകളും ഐ.എം.എ ബ്രാഞ്ച് പ്രസിഡന്റ്‌ ഡോ. ജിതേന്ദ്ര റൈ ഉദ്ഘാടനം ചെയ്തു. ബ്രാഞ്ച് സെക്രട്ടറി ഡോ. പ്രജ്യോത്ത് ഷെട്ടി അദ്ധ്യക്ഷത വഹിച്ചു. ഡോ. കാഷിം, ഡോ. ഗണേഷ് മയ്യ, ഡോ. രേഖ റൈ എന്നിവർ പ്രസംഗിച്ചു. തുടർന്ന് വിവിധ വിഷയങ്ങളിൽ ഡോ. പ്രതിഭ ഭട്ട്, ഡോ. വി.കെ. വിനീത്, ഡോ. വികാസ് രഞ്ജൻ, ഹാഷിം അലി അഷ്‌റഫ്‌ എന്നിവർ ക്ലാസ്സുകൾ കൈകാര്യം ചെയ്തു. ഐ.എ.പി കാസർകോട് ബ്രാഞ്ച് സെക്രട്ടറി ഡോ. കെ. ഗോപാലകൃഷ്ണ സ്വാഗതവും ഡോ. സുന്ദറ അനേമജൽ നന്ദിയും പറഞ്ഞു.