പള്ളിക്കര: ഉമ്മൻ ചാണ്ടി ആശ്രയ ട്രസ്റ്റിനു കീഴിൽ പള്ളിക്കരയിൽ നിർമ്മിച്ചു നൽകുന്ന വീടിന്റെ കുറ്റിയടിക്കൽ ട്രസ്റ്റ് ചെയർമാൻ ചാണ്ടി ഉമ്മൻ എം.എൽ.എ നിർവ്വഹിച്ചു. രവീന്ദ്രൻ കരിച്ചേരി അദ്ധ്യക്ഷനായി. എൻ.എസ്. നുസൂർ, സാജിദ് മവ്വൽ, സുകുമാരൻ പൂച്ചക്കാട്, ഉനൈസ് ബേഡകം, ഉണ്ണികൃഷ്ണൻ പൊയിനാച്ചി, ഗ്രാമ പഞ്ചായത്ത്‌ മെമ്പർമാരായ എം.പി. ജയശ്രീ, നിസാർ ചട്ടഞ്ചാൽ, നേതാക്കളായ രാജേഷ് പള്ളിക്കര, വി. ബാലകൃഷ്ണൻ നായർ, മഹേഷ്‌ തച്ചങ്ങാട്, കണ്ണൻ കരുവാക്കോട്, അഖിലേഷ് തച്ചങ്ങാട്, അബ്ദുൾ റഹ്മാൻ മുതിയക്കാൽ, രഘു പനയാൽ എന്നിവർ സംബന്ധിച്ചു. ബേക്കൽ മാസ്തിഗുഢയിലെ ഷെക്കീലയ്ക്കാണ് വീട് നിർമ്മിച്ചു നൽകുന്നത്. ഉമ്മൻ ചാണ്ടിയുടെ ഒന്നാം ചരമവാർഷിക ദിനമായ ജൂലായ് 18നു മുമ്പ് സംസ്ഥാനത്ത് നിർമ്മിക്കുന്ന 31 വീടിന്റെയും പണി പൂർത്തിയാക്കുമെന്ന് എം.എൽ.എ പറഞ്ഞു.