ഫറോക്ക് : കേരളത്തിലെ പ്രധാന പാലങ്ങൾ ദീപാലംകൃതമാക്കുന്നതിന്റെ സംസ്ഥാനതല ഉദ്ഘാടനം പൊതുമരാമത്ത് മന്ത്രി പി .എ. മുഹമ്മദ് റിയാസ് കോഴിക്കോട് ഫറോക്ക് പഴയപാലത്തിൽ നിർവഹിച്ചു. പൊതുമരാമത്ത് ഇലക്ട്രിക്കൽ വിഭാഗമാണ് ഫറോക്ക് പാലത്തിൽ ദീപാലങ്കാരം ഒരുക്കിയത്. മിന്നിത്തിളങ്ങിയ പാലത്തിലൂടെ നടക്കാൻ നിരവധി പേരെത്തി.

ആർ.ബി.ഡി.സി.കെ പദ്ധതി നിർവഹണത്തിനുള്ള 1.65 കോടി രൂപ ചെലവഴിച്ചാണ് പദ്ധതി നടപ്പാക്കിയത്. പാലത്തിൽ സെൽഫി പോയിന്റ്, വീഡിയോ വാൾ, കഫെറ്റീരിയ, സ്ട്രീറ്റ് ലൈബ്രറി, ഗാർഡൻ മ്യൂസിക്, കുട്ടികളുടെ പാർക്ക്, സൗജന്യ വൈഫൈ, വി ആർ ഹെഡ്‌സെറ്റ് മൊഡ്യൂൾ, ടോയ് ലെറ്റ് ബ്ലോക്ക് , നിർമ്മിത ബുദ്ധിയിൽ പ്രവർത്തിക്കുന്ന ഓട്ടോമേറ്റഡ് ട്രാഫിക് സിഗ്നൽ തുടങ്ങിയ സംവിധാനങ്ങളും ഒരുക്കിയിട്ടുണ്ട്. ചടങ്ങിൽ കോർപ്പറേഷൻ മേയർ ബീനാ ഫിലിപ്പ് അടക്കമുള്ളവർ പങ്കെടുത്തു.