ഫറോക്ക്: ചെറുവണ്ണൂർ ​ പൗരസമിതിയുടെ ട്രാഫിക് വോളന്റിയർമാർക്കുള്ള തിരിച്ചറിയൽ കാർഡ്, ബേപ്പൂർ വാട്ടർ ഫെസ്റ്റിൽ ചുരുളൻവള്ളം തുഴച്ചിലിൽ വിജയികളായവർക്ക്​ ഡി.ടി.പി.സിയുടെ സർട്ടിഫിക്കറ്റ്, ആംബുലൻസ് ​ഡ്രൈവർമാർക്കുള്ള തിരിച്ചറിയൽ കാർഡ് എന്നിവയുടെ വിതരണം ജല്ലി ഫിഷിൽ നടന്നു​.​ ഫറോക്ക് ജോ.ആർ.ടി.ഒ വി.പി.സക്കിർ ഉദ്ഘാടനം ചെയ്തു. അസി.മോട്ടോർ വെഹിക്കൾസ് ഇൻസ്പെക്ടർ​ ​ഡി. ശരത് ക്ലാസെടുത്തു. ദേശീയ ഗെയിംസിൽ ടാൻഡിംഗ് ( ഫൈറ്റിംഗ് ) പെൻകാക് സിലാത്തയിൽ വെള്ളി മെഡൽ നേടിയ ആതിര, ചെറുവണ്ണൂർ ക്ഷേത്രക്കുളത്തിൽ വീണ കുട്ടിയുടെ ജീവൻ രക്ഷിച്ച സി.ഉമേഷ്, തുഴച്ചിൽ പരിശീലനത്തിന് നേതൃത്വം നൽകിയ പ്രസാദ് തൂമ്പാനി, നജീബ് എന്നിവരെ ആദരിച്ചു. ചെറുവണ്ണൂർ പൗരസമിതി പ്രസിഡന്റ് കെ.ഉദയകുമാർ അദ്ധ്യക്ഷത വഹിച്ചു.